Matiye 23:32 - Bible azumeina

³² Hina, agi nga ndagagi vun sun nda ar abo abuyogi ngolod’a.

Matiye 23:32 Referans Kwoze

Ad’u Tinda 15:16

Kur atchogoi d’a fid’id’a azi a mba hulongî ka hî, kayam tcho d’a suma Amor-râ a lata nga bei ndak tua tala an mba ni digizi woyo d’a.

Ndumba 32:14

Gola! Agi hlagi ni balum abuyogi d’igi ades ma le tchod’a na á djo ayîna hi Ma didinina ma bibiliuna akulo yam Israel-lâ kua.

1 Tasaloni’â 2:16

A hal á d’elemi á tchi wala mandjaf suma dingâ yam zla d’a ndak á sud’uzid’a. Hina azi nga ndak vun tcho mazid’a. Wani ayîna hAlonina mi mba wa kazi gagazi.

Jeremi 7:26

Wani a humun nga d’i, a tin nga humazi á humba d’i, a le yam mba ad’enga, a le tchod’a kal abuyozi ngolo mi.

Jeremi 32:18

Ang nga tak suma manga woi gak kur atchogoi d’a dubid’a, ang nga hulong wurak grod’a yam tchilad’a habuyozid’a. Angî Alo ma ngolâ, angî ma sib’ika. Simiyêng ala Ma didin ma ad’engêng kal petna.

Ezekiyel 20:4

Ang gor sana, ang min á kazi sariyad’a kazi zu? Ang kazi sariyad’a kazi bei gigrita, ang tagazi tchod’a habuyozi ngolod’a woyo.

Matiye 23:31

Kayam ndata, agi lagi glangâsâ kagi ala agi ni suma tchi suma djok vun Alonina grozi ngolona.

Matiye 23:33

Agi guguyona, agi mageid’a grotna! Ni nana ba, agi mba ringîgi woi abo sariya d’a ka d’a ti tchugugi aduk aku d’a Jahanama-d’a ge?