Matiye 22:7 - Bible azumeina

⁷ Wani amulâ hurum zal ngola, mi sun azigar mama á tchi suma tchi mat ndazina woyo, a ngalazi aziyazi woi mi.

Matiye 22:7 Referans Kwoze

Wana ni Zla d’a Djivi d’a Luc mi b’irita 19:27

Wani man suma djangû suma a min an te kazi d’uo na, agi mbeyendjï ka hî, agi tchazi kä woi avoron wana.

Wana ni Zla d’a Djivi d’a Luc mi b’irita 21:24

A mba tchi suma dingâ ki mbigeu d’a fiyaka, a mba yo suma dingâ magomba aduk andjaf suma pet. Andjaf suma dingâ a mba miret Jerusalem kä kasezi gak atchogoi mazid’a ndaga.

1 Tasaloni’â 2:16

A hal á d’elemi á tchi wala mandjaf suma dingâ yam zla d’a ndak á sud’uzid’a. Hina azi nga ndak vun tcho mazid’a. Wani ayîna hAlonina mi mba wa kazi gagazi.

Wana ni Zla d’a Djivi d’a Luc mi b’irita 21:21

Ata yi máma, suma kur Jude-na a ring a i aduk ahuniyôna, suma kur Jerusalem-ma a buzuk kei abua, suma a nga kur asinenina a hulong avo d’i.

Joel 3:2

An mba ni tok andjaf suma dingâ pet, an mba ni izi kur hor ra Josafat-ta. Ata yi máma an mba ni kazi sariyad’a kazi yam ahle suma azi lazi mi man suma Israel suma an tazi djonina, yam ndjoîd’a a ndjoyôzi woi aduk andjaf sumid’a, yam ambas man nda azi b’rawat teid’a mi.

Joel 2:25

An mba ni wuragagi yam biza d’a dodob’odjod’a ki djera ki teb’rezena ki djer galagana suma an sunuzi á b’lagagi ahligiyegi woi kuad’a.

Joel 2:11

Ma didina mi de zlad’a woi avok adesâ hi azigar mamina, kayam ades azigar mama mi kal ablaud’a heî, ni vama mandarâ mi. Gagazi, burâ hi Ma didinina ni bur ma ngolâ, ni vama mandarâ mi. Ni nge ba, mba mi tchol kur bur máma ge?

Daniel 9:26

Bugol biza d’a kid’iziya kid’iziya dok karagaya yam mbà ndata, a mba tchi Mesi máma, a mba fe sama ndjun kam mbi. Bugol suma hamul ma dingîna a mba mba, a mba b’lak yima ngolâ woi ki yima a tinim iram vama mi. Hina pet pî, ayîna hAlonina mba mi tchi amul máma woyo, wani mam mba mi dur ayîna mi b’lak yina gak mat mama d’igi a nga kam na mi.

Matiye 22:6

Suma hiuna a vik azungeî mama, a lazi ndaka, a tchaziya.

Matiye 22:8

Ata yi máma, mi de mazungeî mama ala: Te ma tela min wa da’, wani suma an yazina a ndak ki.