Matiye 20:28 - Bible azumeina

²⁸ Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Matiye 20:28 Referans Kwoze

Hebre-na 9:28

Hina mi, Christ mi he tam vama ngat buzuna yam tu á yo tchod’a hi suma ablaud’a woyo. Mam mba mi hulongî yam á mbàd’a ná yo tchod’a d’uo d’a, wani ná sut suma a nga djubuma.

Wana ni Zla d’a Djivi d’a Luc mi b’irita 22:27

Ni nge ba, ni ma ngolâ ge? Ni ma nga kaka kä avun tenina, d’oze ni ma nga mi he tenina zu? Wani an nga adigagi ni d’igi ma le sunda na.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.

1 Timote 2:6

Ni Ma he tam vama wuraka yam suma pet á le glangâs zla ndata ata yima a ngama ala Alona min suma pet a fe suta.

2 Korente-na 8:9

Kayam agi wagi sumad’a hi Saleina Jesus Christ-sa. Mam mi sama ndjondjoîna pî, mi mbut sama houd’a kayam agiya, kayam agi mbud’ugi suma ndjondjoîna yam hou mamba.

Hebre-na 5:8

Kayam mam mi Goroma pî, mi hat á ge yam kä kur ahle suma mam fe ndaka kuana.

1 Pierre 2:24

Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.

Efes-sâ 1:7

Kayam ndata, mi wurak kei ki buzuwamu, nala, hurum vat tei yam tcho meid’a. Hina, Alona mi tagei suma mam mba ngol

Marik 14:24

Mi dazi ala: Ma wana ni buzuwanu, ni vun ma djin ma awilina hAlonina, ni buzu ma mba mi djang ngei yam ablau sumina.

Matiye 26:28

kayam ma wana ni buzuwanu. Ni vun ma djin ma awilina hAlonina, ni buzuwan ma mba mi djang ngei yam ablau sumina, kayambala Alona mba mi vat hurum mbei yam tcho mazid’a d’a.

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

Galat-na 3:13

Ata yima Christ mi mbut sama Alona mi gum vuna keina, mam pad’ei woi ad’u vun ma ge ma gata ti geizina. Kayam mbaktumba hAlonid’a ti dala: Sama a gabam akulo ata agunina, ni sama Alona mi gum vunina.

Romê-na 4:25

Alona mi hum mbei á tchid’a yam tcho meid’a, wani mi tcholom akulo aduk suma matna á mbud’i suma d’ingêrâ avoromu.

1 Jean 2:2

Ni ma he tam mbei vama ngat buzuna kei kayambala Alona mi vat hurum mbei yam tcho meid’a d’a. Nga ni yam tcho meid’a hol li, wani ni yam tchod’a hi suma pet mi.

Hebre-na 2:10

Kayam Alo ma lahlena pet ma ahlena pet a nga ni ved’a aboma, ni djivid’a iram á mbut Jesus sama ndak memetna yam ndak ka mi fata, á mba ki grona ablaud’a kur subur mamba. Kayam Jesus ni Salazi ma sud’uzina.

Isai 53:8

A vum kad’enga, a kam sariyad’a kamu, a kid’eyêm iramu. Wani ni nge ba, mi djib’er yam zla mamba ata yi máma ge? A hlum mbei yam andagad’a hi suma a nga ki irazina, a tom to d’a matna ni yam tchod’a hi sum manid’a.

Isai 53:5

Wani mi fe mbilâ yam tcho meid’a, a mired’emî yam tchila meid’a. Ni to d’a a tomba ba, ti mbeï ki b’leng nga halasa; ni kayam duru mamba ba, ei fei ki suta.

Sawal la giled’a 49:7

Azi tin huruzi ni yam ndjondjoî mazid’a, azi subur tazi ni yam djivi mazid’a go.

Matiye 8:20

Jesus mi hulong dum ala: Beyaka ti nga ki zulud’u, aluweina a nga ki aziyaziya, wani an Gor Sana ni nga ki yima ni nik yan kuana d’i.

Wana ni mbaktumba hi Job-pa 33:24

Alona mba mi wum hohowomu, mba mi de mi malaikana ala: Ang prud’um mbeyo, aram mi nde kä kur zula d’i, kayam an fe wa vama wurak kama da’.

Matiye 20:27

Sama lara pî ma min á mbut ma avo’â adigagina, mi mbut nazong magina.

Marik 10:45

Kayam an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam ablau suma mi.