Matiye 20:26 - Bible azumeina

²⁶ Wani adigagi agi nga na d’i, wani sama lara pî ma min á mbut ma ngolâ adigagina, mi mbut nazong magina.

Matiye 20:26 Referans Kwoze

Marik 10:43

Wani adigagi agi nga na d’i, wani sama lara pî ma min á mbut ma ngolâ adigagina, mi mbut nazong magina.

Marik 10:45

Kayam an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam ablau suma mi.

Marik 9:35

Jesus mi kak kä, mi yi suma dogo yam mbàna, mi dazi ala: Le sana mi min á kak ma avo’â ni, djivid’a mi mbut tam ma blogogi kisâ, mi mbut nazong magina mi.

1 Pierre 5:3

Agi halagi á tagi yam suma Alona mi hagizi abogi á ngombina d’i, wani agi mbud’ugi ni vama simata hades mamina.

Wana ni Zla d’a Djivi d’a Luc mi b’irita 18:14

Jesus mi dala: An nga ni dagiya, sa máma mi i avo hatam mi mbut sama d’ingêrâ kal Fariziyê máma. Kayam sama hle yam akulona, a mba hulongôm yam kä; sama mi ge yam kä na, a mba hlum yam akulo mi.

1 Pierre 4:11

Le ná tchi wala, ar mi tchi wala d’igi ded’a hAlonid’a na. Le ná le sunda, ar mi le d’igi ad’eng nga Alona mi humzid’a na. Hina, ar agi suburugi Alona kur ahlena pet yam Jesus Christ mam ma subura kad’enga ni mamba gak didina. Amin!

Matiye 25:44

Ata yi máma, azi mba hulongôn ded’a ala: Salamina, ni mindja ba, ami wang ki meid’a, d’oze vun ma sod’a, d’oze akoid’a, d’oze gandilad’a, d’oze tugud’eid’a, d’oze dangeina ba, ami ndjunung nguo ge?

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

Filemon 1:13

An min ala mi kak ki sed’en ka hî kayam mi ndjunun blangâng kayam an nga kur dangeina yam Zla d’a Djivid’a.

2 Timote 1:18

Ar Salad’a mi wum hohowom kur bur máma. Ang we sun nda mam lat ki sed’en avo Efes-sa tetet.

2 Korente-na 1:24

Kayam ami minimi á te yam he gagazi magid’a d’i, kayam agi nga kaka ngingring kur he gagazid’a, wani ami min ei lei sunda zlapa tu yam djivi magid’a.

Sunda hi suma a sunuzinid’a 13:5

Kid’a a mbaza Salamin-nda, a nde tchi wal zlad’a hAlonid’a kur gongîyo suma toka hi Juif-fîna. Jean Marik mi nga ki sed’ezi á ndjunuziya.

Jean 18:36

Jesus mi hulong dum ala: Leu manda ni ka hî kur duniyad’a d’i. Ladjï leu manda ni ka hî kur duniyad’a ni, sum mana a mba dur ayîna kanu, a mba d’elen á han abo Juif-fâ. Wani ki tchetchemba, leu manda nga ka hî d’i.

Matiye 27:55

Aropma ablaud’a a nga tchola sä woi hina dei á gola. Narop suma a tcholï yam ambas sa Galile-d’a suma a i ad’u Jesus á lum sundina.

Ezekiyel 24:13

Ndak Jerusalem, batrang maka mbud’uk wa ndjendjed’a. An min ala an mbud’uk kei yed’et, wani ndak min ala an mbud’uk kei yed’et ti. Kayam ndata, ndak mba d’i mbut tei yed’et kur ndjendje maka d’i, gak bur ma an tchol kayî mana ka’â.

Vama ndum mbeina 17:6

An we atcha ndata nga d’i gurut ki buzuna hi suma hAlonina ki buzuna hi suma a tchazi yam glangâs mazi ma d’engzeng ma azi lum yam Jesus-na. Ata yima an watna, an le atchap ngola.

Matiye 20:27

Sama lara pî ma min á mbut ma avo’â adigagina, mi mbut nazong magina.

Wana ni Zla d’a Djivi d’a Luc mi b’irita 22:26

Wani agi lagi na d’i, wani ma ngol ma adigagina, ar mi mbut ni d’igi gogor magina na; ma avogogina, ar mi mbut ni d’igi ma lagi sundina na.