Matiye 2:6 - Bible azumeina

⁶ Ang azì ma Betelehem ma yam ambas sa Juda-d’ina, ang nga gogora aduk azì ma Juda-na d’i, kayam ma te yamba mba mi ndeï ni kurungû, mba mi pol man suma Israel-lâ.

Matiye 2:6 Referans Kwoze

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

Jean 7:42

Mbaktumba hAlonid’a ti dala: Mesi mba mi ndeï nad’u andjafâ hi David-na kur azì ma Betelehem ma David mi kak kuana d’uo zu?

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Matiye 28:18

Jesus mi mba, mi dazi ala: Ad’eng nga akulod’a ki d’a yam andagad’id’a pet, Alona mi handjiya.

Isai 40:11

Mam mi d’igi ma pola na. Mi mba mi pol tumiyô mama, mba mi kod’ozi kabomu, mba mi yo suma gureina akulo didigamu, mba mi tit ki suma a nga he grozina aponina lalam mi.

2 Samuel 5:2

Avok ka Saul nga tamula kami tua d’a, ni ang ba, i ki Israel-lâ á durâ, ang hulong ki sed’ezi mi. Ma didina mi dang ala: Ni ang ba, mba pol man suma Israel-lâ, ang mba kak amulâ hi Israel-lîna mi.

Kolos-sâ 1:18

Mam mi yamba hi hliu tad’id’a, nala, Toka hAlonid’a. Mam nad’u tinda hari d’a awilid’id’a, mam mi ma tchol akulo aduk suma matna avok kikidji á kak ma avo’â hahlena petna.

Matiye 2:1

Kid’a Marie ti vut Jesus kur Betelehem yam ambas sa Jude-d’a kur atchogoi d’a Herot mi nga kur amulid’a, suma ned’a a tcholï abo ma yorogona, a mba Jerusalem.

Efes-sâ 1:22

Alona mi tok ahlena pet ad’u ad’enga hi Christ-sa, mi tinim á te yam Toka mi.

1 Sunda Hamuleinid’a 5:2

Juda ni ma gangrangâ aduk b’oziyoma, nad’u andjavam ba, amulâ mi nde kua. Wan pî, ngola a hat ni mandjafâ hi Josef-fâ.

Ndumba 24:19

Ma mba mi ndeï ad’u andjafâ hi Jakob-mina, mba mi te leu d’a kala, mba mi dap suma a ar kur azì ma ngolîna woyo.

Jean 21:16

Jesus mi dum kua á mbàd’a ala: Simon Jean goroma, ang le kan ndju? Pierre mi hulong dum ala: Â, Salana, ang we an le kangû. Jesus mi dum ala: Ang pol tumiyô mana.

Esdras 2:21

Suma Betelehem-ma ni 123,

Hebre-na 7:14

Kayam ei wei tetet ala Saleina mi ndeï nad’u andjafâ hi Juda-na, wani Moise mi de zlad’a hi suma ngat buzunid’a ni yam andjaf máma d’i.

Vama ndum mbeina 7:17

Kayam Gor timi ma nga aduk zlam mba amulina mba mi poloziya, mba mi i ki sed’ezi ata mbiyo ma lau ma arina. Alona mba mi sed’ezi simina woi irazi mi.

1 Sunda Hamuleinid’a 2:51

Salma ni ma mi gäd’u Betelehem-ma; Haref ni ma mi gäd’u Bet-Gader-râ.