Matiye 19:29 - Bible azumeina

²⁹ Nge nge pî ma ar aziyam mbei d’oze b’oziyom suma andjuveina d’oze b’oziyom suma aropma d’oze abum mboze asum mboze groma d’oze asinem mbei yam an na, mba mi fe yam vama lara pî kikis, mba mi fe ari d’a didinda mi.

Matiye 19:29 Referans Kwoze

Filip-ma 3:8

An gol ahle ndazina pet ni d’igi vama hawana na, wani vama djivi ma kal tegles ma an halama ná we Jesus Christ Salana, mam ma an ar ahlena woi pet kama. An gol ahle ndazina pet ni d’igi siligitna na á fe Christ,

Wana ni Zla d’a Djivi d’a Luc mi b’irita 14:26

Le sana mi mba gevenu, mi noî nga abum azi kasum kamamba ki groma ki b’oziyom suma andjofâ ki suma aropma mi noî nga mam tamba woi d’uo ni, mi ndak nga man ma hata d’i.

Matiye 16:25

Kayam nge nge pî ma nga mi min á sut tama, mba mi ba tam mbeyo. Wani nge nge pî ma ba tam mbei kana, mba mi sut tam mi.

Matiye 6:33

Wani ar agi halagi leud’a hAlonid’a ki d’ingêr mamba avok tua. Hina wani, Alona mba mi hagi ahle suma a arâ kam kua.

1 Pierre 4:14

Le suma a nga ngulugi kayam agi ni suma hata hi Christ-sâ ni, agi lagi furîd’a, kayam Muzuk ma subura hAlonina mi nga kaka kagiya.

Matiye 10:22

Suma pet a mba noyôgi woi yam simiyênu, wani sama mi ve tam ad’enga gak dabid’ina, mba mi fe suta.

Jean 15:19

Ladjï agi ni suma hi duniyad’ina ni, suma kur duniyad’ina a mba le kagi d’igi sum matna na. Wani agi ni suma hi duniyad’ina d’i, kayam an managi woi aduk sum matna. Kayam ndata, suma kur duniyad’ina a nga noyôgiya.

Wana ni Zla d’a Djivi d’a Luc mi b’irita 6:22

Le suma a nga noyôgiya, a nga digigiya, a nga ngulugiya, le a nga gologi is d’igi suma tchona na yam an Gor Sana ni, ar agi lagi furîd’a.

Matiye 5:11

Le suma a nga ngulugi a nga djobogi vunagiya, le a nga de zla d’a tcho d’a teteng nga kad’a kagi kayambala agi ni man suma hata d’a ni, agi lagi furîd’a.

1 Korente-na 2:9

Wani d’igi mbaktumba hAlonid’a ti de na ala: Vama sana mi wum nga d’uo mi humum nga d’uo mi na, vama sana mi djib’erem nga d’uo mi na, ni vama Alona mi minim yam suma a nga le kamina.

Sunda hi suma a sunuzinid’a 9:16

Kayam an tanda mba ni tagam ndak ka pet ta mam mba mi fat kanda.

Matiye 25:34

Ata yi máma, an amulâ mba ni de mi suma yam bigan nda ndjufina ala: Agi suma Abun mi b’e vunam kagina, agi mbeyegïya, agi tagi leu d’a a minit kagi kad’u tinda hi duniyad’a deid’a.

Matiye 19:16

Sana mi mba gen Jesus, mi djobom ala: Ma hat suma, an le ni me ma djivina ba, ni fe kari d’a didinda ge?

Matiye 13:23

Ma mi nde ata andaga d’a djivid’ina ni sama hum zlad’a, mi wat ad’ud’u, mi tchuk grona, ma dingâ mi le irâ kis, ma dingâ mi le irâ dok karagaya, ma dingâ mi le irâ dok hindi mi na.

2 Korente-na 5:16

Wani ki tchetchemba, ami nga kami ir va d’igi sana na d’i. Ladjï ami kami ni ir Christ d’igi sana na pî, ki tchetchemba, ami nga lami hina d’uo d’a.

Matiye 25:46

Azi mba i kur ndak ka didinda, wani suma d’ingêrâ a mba i kur ari d’a didinda mi.

Matiye 13:8

Ma dingâ mi nde ata yima andaga d’a djivid’a, mi le irâ, ma dingâ kis, ma dingâ dok karagaya, ma dingâ dok hindi mi.

3 Jean 1:7

Ni yam simiyê Jesus Christ ba, azi buzuk kei abua, a ve nga va abo andjaf suma bei wAlona d’i.

Wana ni Zla d’a Djivi d’a Luc mi b’irita 5:11

Kid’a a i alumeina avun gongôd’id’a, a ar ahligiyezi kä pet, a i ad’u Jesus.

Jean 4:36

Sama duta nga mi fe wurak mamba, nga mi tok ira ni yam ari d’a didinda, kayam sama zara ki ma duta a zlap le furîd’a tu.

Ma tchi wala 3:6

yima hala mi nga, yima vit teina mi nga mi; yima ngomba mi nga, yima ged’a woina mi nga mi;