Matiye 18:22 - Bible azumeina

²² Jesus mi dum ala: An nga ni dangû ni yam kid’iziya go d’i, wani yam dok kid’iziya dok kid’iziya d’a yam kid’iziya.

Matiye 18:22 Referans Kwoze

Kolos-sâ 3:13

Agi vagi tagi yam tagiya, agi vad’agi hurugi woi yam tagi mi. Le sa adigagi mi nga ki zlad’a ki ndrama ni, ar a vat huruzi woi yam tazi d’igi Salad’a hurum vat tei kagi na mi.

Marik 11:25

Le agi nga tchologi á tchen Alona, le agi nga ki hur ma zala yam sa ni, ar hurugi vat tei kamu. Hina wani, Abugi ma sä akulona hurum mba mi vat tei yam tcho magid’a mi. [

Efes-sâ 4:31

Zla d’a aglara pet kayîna ki hur ma zala ki yalâ ki ngula, ar agi pad’azi woi pet adigagi zlapa kasa’ata pet mi.

Ad’u Tinda 4:24

Le a tchi suma yam Kain kid’iziya ni, a mba tchi suma kan an Lemek dok kid’iziya yam kid’iziya mi.

Romê-na 12:21

Ar tchod’a ti kuzugi d’i, wani agi kuzugi tchod’a ki djivi d’a led’a.

Mise 7:19

Ang mba wami hohowomi kua, ang mba miret tchila mamid’a kä kasengû, ang mba komi tcho mamid’a sä woi kä ad’u alum ma ngolâ.

Efes-sâ 4:26

Le hurugi zala ni, agi lagi tchod’a d’i. Ar afata nigigi kayî magi ma djulula d’i.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

1 Timote 2:8

Kayam ndata, an min ala andjofâ a tchen Alona ata yina pet, a yo abozi akulo á tchen Alona ki hur ma djivina, bei ayîna, bei tuguyod’a mi.

Matiye 18:23

Kayam leu d’a akulod’a ti hle tat ni d’igi amul ma mi min á ndum bege mam mba nga abo mam suma sundid’a na.