Matiye 18:16 - Bible azumeina

¹⁶ Wani le mi humung nga d’uo ni, ang ve sana tu d’oze mbà, kayam glangâsâ hi suma mbà d’oze hi suma hindina ni zla d’a ndaka.

Matiye 18:16 Referans Kwoze

Gat ta a hat á mbàd’id’a 19:15

Moise mi de kua ala: Glangâsâ hi sama tunina, mi ndak nga á ve sama le tchod’a ki zlad’a d’i. Le tcho d’a tchi matna d’oze tcho d’a lara pî d’a mi lata, glangâs ma ve sana ki zlad’ina ni suma mbà d’oze suma hindi tua.

2 Korente-na 13:1

Wana ni i manda yan á hindid’a á iza hatagid’a. D’igi mbaktumba hAlonid’a ti de na ala: Le zla d’a glangâsâ hi suma mbà d’oze hindid’a ti ndjak tu yam sama a tchugum zlad’a kama ni, zlad’a mba d’i vumu.

1 Timote 5:19

Ar ang ve kala yam ma ngol ma gol Toka bei suma glangâsâ mbà d’oze hindi d’i.

Jean 8:17

Wani a b’ir kur mbaktum magi d’a gata ala: Glangâsâ hi suma mbà ni ndaga.

Hebre-na 10:28

Sama lara pî ma tchila yam gata hi Moise-sina, a mba tchum mbei bei wum hohowom yam glangâsâ hi suma mbà d’oze hindi.

Gat ta a hat á mbàd’id’a 17:6

Sama a tchugum zlad’a kama a mba tchumî yam glangâsâ hi suma mbà d’oze suma hindina tua; glangâsâ hi sama tuna, mi ndak nga á tchum mbi.

Ndumba 35:30

Le sana mi tchi sana ni, a mba tchi ma tchi mat máma ni yam glangâsâ hi suma tetengâ, wani glangâs ma tuna ndak nga á ka sariyad’a yam sana á tchum mbi.

1 Amuleina 21:13

Suma asa’at suma mbà ndazina a mba tchol avok Nabot, a nde tchugum zlad’a kam avok suma pet ala: Nabot, ang ngul Alona, ang ngul amulâ! Ata yi máma sumazina a i ki sed’em mbei bugol azina, a durum kahinad’a baba, a tchumu.

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.