Matiye 18:13 - Bible azumeina

¹³ Gagazi, an nga ni dagiya, le mi fum wa ni, mi nga ki furîd’a yam ma tuna kal suma dok zlengâ yam zlengâ suma a vit nga woi d’uo na.

Matiye 18:13 Referans Kwoze

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.

Sofoni 3:17

Ma didina Alo magina mi nga ki sed’egiya, Mam mi grang ma sud’ugina, mba mi mbud’ugi vama furî ma ngolâ yam o mam mba kagid’a, mba mi mbud’ugi awilid’a, mba mi le hur ma hapma ngola kagi mi.

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Isai 62:5

D’igi gor azongâ mi ve gor weid’a na, hina mi, gro’â a mba mbut ni d’igi ndjuvuk na, d’igi gor weid’a a teleta ti ni furîd’a hi ndjuvut ma mi teletna na, hina mi, ndak mba d’i mbut ni furîd’a hAlo ma’îd’a mi.

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Sawal la giled’a 147:11

Ma didina tam nga d’i lum djivid’a ni yam suma a nga lum mandarama, ni yam suma a tin huruzi yam o mam mba didindina mi.

Ezekiyel 34:4

Agi hagi nga ad’enga mi suma amangeîna d’i, agi sud’ugi nga suma tugud’eid’a d’i, agi djinigi nga suma a fe mbuleinina d’i, agi hulongî nga suma a i á bad’a woina d’i, agi halagi nga suma a ba woina d’uo mi, wani agi tagi kazi ni kad’enga ki ngopa mi.

Matiye 18:12

Agi djib’eregi nana? Le sana mi nga ki tumiyôna kis, ma dingâ tu adigazi mi vit teyo ni, sa máma mba mi ar suma dok zlengâ yam zlengîna yam ahinad’a, mi i á hal ma vit teina d’uo zu?

Matiye 18:14

Kayam ndata, Abugi ma sä akulona mi min ala ma tu ma aduk gugurei suma wana mi ba woi d’i.

1 Korente-na 13:6

Sama od’a tam nga d’i lum djivid’a yam tchod’a d’i, wani tam mbi lum djivid’a ni yam gagazid’a.