Matiye 17:27 - Bible azumeina

²⁷ Wani ar ei hazi djib’era d’i. Ang i kur apod’a, ang ge tunglîd’a kä aduk mbina. Kuluf ma vavo’â, ang tanam akulo, ang ngom vunam mbeyo, ang mba fe gurzud’a kua. Ang yod’u, ang wurak kanu, ang wurak kang mi.

Matiye 17:27 Referans Kwoze

2 Korente-na 6:3

Kayam ndata, ami nga lami vama dap asem sa tala suma a de zla d’a tchod’a yam sun mamid’a d’uo d’a.

2 Korente-na 8:9

Kayam agi wagi sumad’a hi Saleina Jesus Christ-sa. Mam mi sama ndjondjoîna pî, mi mbut sama houd’a kayam agiya, kayam agi mbud’ugi suma ndjondjoîna yam hou mamba.

1 Korente-na 8:9

Agi suma mbud’ugi gro vutina, agi gologi tagi djiviya. Ar agi mbud’ugi vama puk suma amangeîd’a kur he gagazid’a d’i.

1 Korente-na 8:13

Kayam ndata, le tena ba mi b’lak wiyena ni, an dok ni te hliuna á mbut vama puk wiyena kä d’i.

Sawal la giled’a 8:8

nala, tumiyôna, b’ogeina, amuzleina, azureina kamburei suma abageina,

1 Amuleina 17:4

Ang mba tche mbiyo toliyonda sä hî, an he wa vuna mi gagauna mba mi ing sä tena mi.

Romê-na 14:21

Djivid’a ang te hliuna d’i, ang tche süma d’i, ang noî ahlena pet suma á puk wiyengâ kä kur tchod’ina woyo.

Jonas 2:10

Wani anu, an mba ni le mersi, an mba ni hang he d’a hawa d’a ngat buzuna, an mba ni ndak vun vun ma hle ma an hlangzina. Gagazi, suta ti tcholï nata ang Ma didina!

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

Ad’u Tinda 1:28

Alona mi b’e vunam kaziya, mi dazi ala: Agi vud’ugiya, agi zulugiya, agi oyôgi yam andagad’a; agi tagi kad’u, agi tagi yam kulufâ, yam aluweina, yam ambureina, yam azurei suma a nga tit yam andagad’ina pet mi.

1 Tasaloni’â 5:22

Agi walagi woi dei ki tcho d’a lara ge pet.

Jean 6:61

Wani Jesus mi we kurum tcha ala mam suma hat sum ndazina a nga gureî yam zla ndata. Mi dazi ala: Zla ndata ti lagi nga tagi djivi d’uo zu?

Matiye 5:29

Le irang nga ndjufa nga d’i ing kur tchod’a ni, ang pad’at gat tei dei. Djivid’a kang tala ir hliwing ma tuna mi b’lak keyo, kal la a gang aduk Jahanama ki tang ped’u.

Matiye 5:30

Labong ma ndjufâ nga mi ing kur tchod’a ni, ang kam gum mbei dei. Djivid’a kang tala ir hliwing ma tuna b’lak keyo, kala a ing aduk Jahanama ki tang ped’u.

Matiye 17:26

Pierre mi hulong dum ala: Nabo angoyogeina. Jesus mi dum ala: Le ni na ni, gro vuta a wurak ki.

Matiye 18:6

Jesus mi had’azi kua ala: Nge nge pî ma nga mi le vama b’lak gogorâ aduk gugurei suma a he gagazid’a kana ni, djivid’a hotei djinim ahina d’a ngola kelemu, a gumza woi aduk alum ma ngolâ.

Matiye 18:8

Le abong ngoze aseng a nga ing kur tchod’a ni, ang kazi woyo, ang tchuguzi woi dei. Djivid’a hotei ang kal kur arid’a kabong tu d’oze aseng tu, kala abong djak koze aseng djak ing aduk aku d’a didinda d’a.

Marik 9:42

Jesus mi hat mam suma hata kua ala: Nge nge pî ma nga mi le vama b’lak gogorâ aduk gugurei suma a he gagazid’a kana ni, djivid’a hotei a djinim ahina d’a ngola kelemu, a gumza kä aduk alum ma ngolâ.

Marik 9:43

Le abong nga mi ing kur tchod’a ni, ang kam mbeyo. Djivid’a hotei ang kal kur arid’a kabong ma mututungâ tala a ing kur Jahanama aduk aku d’a bei mit teid’a kabong ma dja’â d’a. [

Wana ni Zla d’a Djivi d’a Luc mi b’irita 17:2

Djivid’a kala a djinim ahina d’a ngola kelemu, a gumza kä aduk alum ma ngolâ tala mi b’lak ma tu ma aduk gugurei suma wana d’uo d’a.