Matiye 16:6 - Bible azumeina

⁶ Jesus mi dazi ala: Agi gologi tagi djivi kangufa hi Fariziyênid’a ki d’a hi Sadusiyênid’a.

Matiye 16:6 Referans Kwoze

Wana ni Zla d’a Djivi d’a Luc mi b’irita 12:1

Kur bur máma suma dudubu a tok gen Jesus, a nga miret taziya. Mi tin ad’ud’a de zlad’a avok mi mam suma hata ala: Agi gologi tagi djivi kangufa hi Fariziyênid’a, nala, lop ir mazid’a.

Galat-na 5:9

D’igi a de na ala: Anguf fa ngiyeûd’a nga d’i subur afuta pet.

Marik 8:15

Jesus mi gad’azi ala: Agi gologi tagi djivi kangufa hi Fariziyênid’a kangufa hi Herot-ta mi.

Matiye 16:12

Ata yi máma, suma hata a wala mi dazi ala a gol tazi djiviya ni yam angufa d’i, wani a gol tazi djivi ni yam hata hi Fariziyênid’a ki d’a hi Sadusiyênid’a.

Sunda hi suma hi Levi-nid’a 2:11

He d’a hawa d’a afut ta lara d’a agi hat mi an Ma didinid’a, agi lat kangufa d’i. Ar agi gagi anguf foze mbul ayuma aduk ahle suma agi minizi á hazi he d’a hawa d’a ngala mi an Ma didinina d’i.

Wana ni Zla d’a Djivi d’a Luc mi b’irita 12:15

Mi dazi kua ala: Agi gologi tagi djiviya, ar agi lagi yam beged’a d’i, kayam ari d’a gagazid’a hi sanid’a nga ni yam ahle mam suma djivina d’oze yam ndjondjoîd’a d’i.

Matiye 3:7

Wani kid’a Jean mi we Fariziyêna azi ki Sadusiyêna ablaud’a a nga mba gevem ala mi lazi batemba d’a, mi dazi ala: Agi gro mageid’a, sama kid’ezegi á ringîgi woi avok ayî ma nga mbana ni nge ge?

Matiye 16:1

Fariziyêna azi ki Sadusiyêna a mba ata Jesus. A kugum ala mi tagazi vama simat ma mi tcholï akulona.

Matiye 16:5

Suma hata a djak sä woi abo apod’a abo hî, a mar bei yo avungôna aboziya.

Matiye 16:7

Mam suma hata a nga de tazi ala: Mi de hina ni kayamba ei yoi nga avungôna aboi d’uo d’a.

Matiye 16:11

Agi wagi nga d’ala an dagi ni yam avungôna d’uo d’a d’uo zu? Wani agi gologi tagi djivi kangufa hi Fariziyênid’a ki d’a hi Sadusiyênid’a.

Jean 4:33

Suma hata a de tazi ala: Na ni sa mi hum wa vama te zu?