Matiye 16:24 - Bible azumeina

²⁴ Ata yi máma, Jesus mi de mi mam suma hata ala: Le sana mi min á tit ad’unu ni, ar mi noî tamu, mi hlagu mam ma b’ala kamu, mi tit ad’unu.

Matiye 16:24 Referans Kwoze

Matiye 10:38

Sama hlagu mam ma b’ala mi tid’ï ad’un nduo na, mi ndak nga sa mana d’i.

Wana ni Zla d’a Djivi d’a Luc mi b’irita 14:27

Nge nge pî le mi hle nga agu mam ma b’ala mi tit nga ki ad’un nduo ni, mi ndak nga man ma hata d’i.

Marik 10:21

Kid’a Jesus mi golomba, hurum vumu, mi dum ala: Ang kid’ak va tu, ang i gus ahligiyeng suma ang nga ki na woi pet, ang he bege ndata mi suma hohoud’a. Hina wani, ang mba fahle suma ndjondjoîna sä akulo. Bugola, ang mbeï ad’unu.

2 Timote 3:12

Wani suma pet suma a min tit bugol Alona zlapa ki Jesus Christ-sâ, a mba djobozi vunazi mi.

Marik 8:34

Ata yi máma, Jesus mi yï ablau suma ki mam suma hata gevemu, mi dazi ala: Le sana mi min á tit balum asenu ni, ar mi noî tamu, mi hlagu mam ma b’ala kamu, mi tit ad’unu.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

Kolos-sâ 1:24

Ki tchetchemba, an nga ni le furîd’a á fe ndaka hina kagi kayam an nga ni dap vun ndaka hi Christ sa ara kur hliwin yam hliwimu, nala, Tok mamba.

Jean 19:17

Jesus mi hlagu mam ma b’ala, mi nde ki woi abua, mi i ata yima a yum ala Asok yamba na, a yum ki vun Hebre-na ala Golgota.

1 Tasaloni’â 3:3

kayam sa tu mi giget abo djop vun máma d’i. Kayam agi wagi ala ni vama Alona mi ngam keina.

Matiye 27:32

Kid’a azi buzuk kei kela, a ngaf ki sama Siren-na simiyêm ala Simon. Azigarâ a vum kad’enga ala mi hlagu ma b’ala hi Jesus-na kamu.

Marik 15:21

Sama Siren-na simiyêm ala Simon, ni Alezandre azi ki Rufus abuziya, mi tcholï nabageya, nga mi kala. Azigarâ a vum kad’enga ala mi hlagu ma b’ala hi Jesus-na kamu.

Wana ni Zla d’a Djivi d’a Luc mi b’irita 23:26

Kid’a azigarâ a nga i ki Jesus-d’a, a ngaf sama Siren-na simiyêm ala Simon, mi tcholï nabageya. A vumu, a hlum agu ma b’ala kam ala mi i ki bugol Jesus.

Jean 21:19

Mi de hina ná tak matna hi Pierre ma mba mi subur Alonina. Bugol la mi de hina dad’a, mi dum ala: Ang tid’ï ad’unu.

Jean 21:22

Jesus mi dum ala: Le an min ala mam kak gak mba manda mbeyû ni, vama ndolong ang kua ni me ge? Ang tid’ï ad’unu.

1 Pierre 2:21

Ni kayam ndata ba, Alona mi yagi kiya, kayam Christ mi fe wa ndaka kagi da’. Mi aragi ni vama simata, kayam agi tid’igi balum asemu.