Matiye 16:23 - Bible azumeina

²³ Wani Jesus mi mbut iram mi de mi Pierre ala: Seitan, iza woi hina dei ad’unu, ang hal á pugun kur tchod’a, kayam djib’er manga nga ni djib’era hAlonid’a d’i, wani ni djib’era hi sumid’a.

Matiye 16:23 Referans Kwoze

Filip-ma 3:19

Sum ndazina, dabi mazid’a ni bad’a, alo mazina ni hayaziya. Azi nga subur tazi yam ahle mazi suma zulona, djib’er mazid’a ni yam ahle suma yam andagad’a ka hina go.

Kolos-sâ 3:2

Ar agi tinigi hurugi ni yam ahle suma sä akulona, wani agi tinigi hurugi yam ahle suma yam andagad’a ka hina d’i,

Marik 8:33

Wani Jesus mi mbut iram mi gol mam suma hata, mi ngop Pierre, mi dum ala: Seitan, iza woi hina dei blogonu, kayam djib’er manga nga ni djib’era hAlonid’a d’i, wani ni djib’era hi sumid’a.

Matiye 4:10

Jesus mi hulong dum ala: Seitan, ang huttcha woi dei, kayam a b’ir kur mbaktumba hAlonid’a ala: Ang kud’orî Ma didina Alo mangâ, ni mam tu go ba, ang lum sunda.

Jean 6:70

Jesus mi hulong dazi ala: Ni an ba ni managi dogo yam mbà d’uo zu? Wani ma dingâ tu nga adigagiya ni diable.

Wana ni Zla d’a Djivi d’a Luc mi b’irita 4:8

Jesus mi hulong dum ala: A b’ir kur mbaktumba hAlonid’a ala: Ang kud’orî Ma didina Alo mangâ, ni mam tu go ba, ang lum sunda.

Ad’u Tinda 3:17

Bugola, mi de mi Adam ala: Ang hum wa vun amanga, ang te wa vud’agu ma an dang kam ala: Ang tum mbuo na. Kayam ndata, an mba ni gandagad’a vuna ni kayam angû; ni ki ndaka tua ba, ang mba fe ki tena gak mat mangâ.

Romê-na 14:13

Kayam ndata, ar ei kei sariyad’a yam tei d’i. Vama kalâ, ar ei djib’erei hina: Ar sa mi mbut ahina d’a dap asema avok wiyema á pugum kur tchod’a d’i.

1 Sunda Hamuleinid’a 21:1

Bur tu Seitan mi tchol djangûna ki Israel-lâ, mi zut David á ndumuziya.

2 Samuel 19:22

Wani David mi de mi Seruya grotna ala: Vama ndologi ki an ni me tala agi mbud’ugi man suma djangûna d’a ge? Kur bur ma inina sana ndak á tchi sana aduk Israel-lâ zu? An we ini ala ni an ba ni tamula yam Israel-lâ d’uo zu?

Isai 8:14

Mam mba mi mbut ni zlub’u d’a a tinit irat vata, mba mi mbut nahina d’a dap asema mi. Nahina d’a dap asema yam leud’a hi Israel-lîd’a ki leud’a hi Juda-nid’a, mba mi mbut nabeid’a ki dauna yam suma a nga kaka avo Jerusalem-ma mi.

Romê-na 14:21

Djivid’a ang te hliuna d’i, ang tche süma d’i, ang noî ahlena pet suma á puk wiyengâ kä kur tchod’ina woyo.

Matiye 18:7

Ni zla d’a hohoud’a yam suma yam andagad’a suma a nga lahle suma a tchuk suma kur tchod’ina. Mbeî ahle suma a tchuk suma kur tchod’ina a mba mba, wani ni zla d’a hohoud’a yam sama mi mba kahle ndazinina.

Matiye 16:22

Wani Pierre mi vum im woi gen nde, mi nde ngobom ala: Salana, ar Alona mi mbang ahle ndazina kang ngi.