Matiye 14:19 - Bible azumeina

¹⁹ Ata yi máma, mi he vuna mablau suma á kak kä yam asuna. Mi yo avungô ma vahlâ ki kuluf ma mbàna, mi hle iram akulo, mi le mersi mAlona kamu. Mina, mi mbruk avungôna kä, mi he mi mam suma hata; a b’rawam mi suma.

Matiye 14:19 Referans Kwoze

Wana ni Zla d’a Djivi d’a Luc mi b’irita 24:30

Kid’a mi kak avun tena ki sed’ezid’a, mi hlavungôna, mi le mersi mAlona kamu, mi mbrugum kä, mi haziziya.

1 Samuel 9:13

Agi kalagi hur azina, agi mba fum avok bei mam djak akulo ata yima nding ma a tinim iram vama á te tena. Bei mam mba ba ni, sa nga mi te tena d’i, kayam ni mam ba, mi b’e vunam yam ahle suma ngat buzuna tua ba, suma a yazïna a te tua. Agi b’ad’agi atogo, agi mba fumu.

Sunda hi suma a sunuzinid’a 27:35

Kid’a mi de zla ndata dad’a, mi hlavungôna, mi le mersi mAlona avorozi pet, mi mbrugum kä, mi nde ted’a.

Marik 6:41

Mi yo avungô ma vahlâ ki kuluf ma mbàna, mi hle iram akulo, mi le mersi mAlona kamu, mi mbrugum kä, mi hum mi mam suma hata á b’rawam mi suma, mi b’rawazi kuluf ma mbàna adigazi pet mi.

1 Korente-na 11:24

Kid’a mi le mersi mAlona kamba, mi mbrugum kä, mi dala: Ma wana ni hliwin ma an hum mbei kagina. Ar agi lagi hina á djib’eregi kanu.

Romê-na 14:6

Sama nga mi wal burâ irama, mi walamî á hu Salad’a. Sama nga mi te tena petna, mi tumî á hu Salad’a, kayam nga mi le mersi mAlona. Sama nga mi te tena pet tuo na, mi te d’uo ná hu Salad’a, kayam nga mi le mersi mAlona mi.

Kolos-sâ 3:17

Kur ahlena pet suma agi lagizina, le ni zla d’a ded’a, d’oze le ni sunda, ar agi lagizi pet ni ki simiyê Salad’a Jesus. Agi lagi mersi mAbui Alona ki simiyêm mi.

1 Korente-na 10:16

Agi djib’eregi yam kop ma ei nga lei mersi mAlona kama. Ata yima ei nga tchuma, ei lei ni darigïd’a ki buzuna hi Christ-sâ d’uo zu? Avungô ma ei nga mbruguma, ata yima ei nga tuma, ei lei ni darigïd’a ki hliuna hi Christ-sâ d’uo zu?

Wana ni Zla d’a Djivi d’a Luc mi b’irita 9:14

Kayam andjuveina ni d’igi dudubud’a vahl na. Jesus mi de mi mam suma hata ala: Kagazi kä ndjara dok vahl dok vahl.

Marik 7:34

Mi hle iram akulo, mi muzuk huluf, mi dum ala: Efata, nala, Ang mal leyo.

1 Korente-na 10:31

Le agi nga tagiya, le agi nga tchagiya, d’oze le agi nga lagi ni va ni, ar agi lagi ahlena pet ná subur Alona.

Jean 6:23

Wani alumei suma dingâ a tcholï Tiberiyat, a mba ata yima azi tavungô ma Salad’a mi le mersi mAlona kama.

Marik 6:39

Jesus mi hazi vuna ala: Ar suma a kak kä pet adesâ adesâ, yam asu ma ngloma.

Jean 11:41

Kayam ndata, azi ligat ahina ndata woyo. Jesus mi hle iram akulo, mi dala: Abunu, an lang mersi kayamba ang humunda.

Wana ni Zla d’a Djivi d’a Luc mi b’irita 22:19

Mi hlavungôna, mi le mersi mAlona kamu, mi mbrugum kä, mi haziziya, mi dazi ala: Ma wana ni hliwin [ma an hum mbei kagina. Ar agi lagi hina á djib’eregi kanu.

Wana ni Zla d’a Djivi d’a Luc mi b’irita 9:16

Jesus mi yo avungô ma vahlâ ki kuluf ma mbàna, mi hle iram akulo, mi le mersi mAlona kamu, mi mbrugum kä, mi he mi mam suma hata á b’rawam mablau suma.

Matiye 14:18

Mi dazi ala: Agi mbeyendjïya.

Wana ni Zla d’a Djivi d’a Luc mi b’irita 22:17

Mi hle kopma, mi le mersi mAlona kamu, mi dazi ala: Agi vagi kop ma wana, b’rawagizi aduk tagiya.