Matiye 12:34 - Bible azumeina

³⁴ Agi gro mageid’a, ni nana ba, agi suma tchona ndak á de vama djivina ge? Kayam ahle suma a nga oîd’a kur sanina ba, a buzuk kei avunam á ded’a.

Matiye 12:34 Referans Kwoze

Wana ni Zla d’a Djivi d’a Luc mi b’irita 6:45

Sama djivina nga mi nde ni kahle suma djivi suma mi togozi kuruma woi abua, sama tchona nga mi nde ni kahle suma tcho suma mi togozi kuruma woyo, kayam vama nga oîd’a kur sanina ba, nga mi dumu.

Matiye 15:18

Wani vama ndeï woi avun sanina, mi tcholï ni kurumu, ni vama mbut sana ndjendjed’ina.

Efes-sâ 4:29

Ar zla d’a tchod’a ndavunagi d’i, wani agi dagi ni zla d’a djivi d’a ndak á wul suma kid’aka akulo kur he gagazid’id’a, á ndjun suma a nga hum zla magid’ina mi.

1 Samuel 24:13

Ma didina mba mi kei sariyad’a adigeya, mba mi sän atchugulun ki sed’engû. Wani anu, an mba ni tin abon atang ngi.

1 Jean 3:10

Lovot ta ei wei Alona groma ki Diable groma teteta ba wana: Nge nge pî ma nga mi le d’ingêra d’uo na, nga mi le yam wiyema d’uo mi ni, nAlona goroma d’i.

Matiye 12:35

Sama djivina mi nde ni kahle suma djivi suma mi togozi kuruma woi abua, sama tchona mi nde ni kahle suma tcho suma mi togozi kuruma woi abu mi.

Jean 8:44

Agi suma abugi ni Diable-na, agi min lagi ni minda habugid’a. Mam mi ma tchi matna kad’u tinda dei, mi nga mi tit yam gagazid’a d’i, kayam zla d’a gagazid’a nga kurum mbi. Ata yima nga mi de zla d’a kad’ina, mi de ni yam mam tamba, kayam mam mi ma ka zlad’a, ni zla d’a kad’a abut mi.

Isai 32:6

Kayam suma lilid’a a de ni zla d’a lilid’a, huruzi ni tinda yam sun nda tchod’a á le sun nda ata yat tuo d’a, á de zla d’a tchod’a yam Ma didina mi. A nga he tena mi sama meid’a tchuma d’i, a nga d’el lovota á he mbina mi sama vunam sona mi.

Matiye 23:33

Agi guguyona, agi mageid’a grotna! Ni nana ba, agi mba ringîgi woi abo sariya d’a ka d’a ti tchugugi aduk aku d’a Jahanama-d’a ge?

Isai 59:14

Sariya d’a gagazid’a ti nga d’i, d’ingêra ti nga d’uo mi, kayam gagazid’a ti nga aduk suma d’i, d’ingêra ti nga d’uo mi.

Sawal la giled’a 64:3

Ang prud’un ndei abo zla d’a ndjak vuna hi suma asa’atnid’a, abo suma a ndjak vunazi kana ki suma batrangâ mi.

Matiye 3:7

Wani kid’a Jean mi we Fariziyêna azi ki Sadusiyêna ablaud’a a nga mba gevem ala mi lazi batemba d’a, mi dazi ala: Agi gro mageid’a, sama kid’ezegi á ringîgi woi avok ayî ma nga mbana ni nge ge?

Wana ni Zla d’a Djivi d’a Luc mi b’irita 3:7

Kayam ndata, Jean mi de mablau suma a nga mba gevem á fe batemba atama ala: Agi gro mageid’a, sama kid’ezegi á ringîgi woi avok ayî ma nga mbana ni nge ge?

Isai 59:4

Agi nga kalagi yam tagi ata lovod’ot ti, agi nga dagi zlad’a ki gagazid’a d’i, agi tinigi hurugi ni yam ahle suma hawa ya’â, agi dagi ni zla d’a kad’a, agi nga vagi wir ra tchod’a, agi vud’ugi ni murud’umba.

Sawal la giled’a 53:1

Ni sawal la gile d’a David mi hlat mi hat mi ma ngolâ hi suma hle sawalina.

Sawal la giled’a 64:5

Azi ngei tazi kä gumun á yet suma d’engzengâ, azi nga yed’ezi bei mandarâ kuruzi ba.

Zla d’a d’ogolâ 4:23

Ang ngom djib’er ra kurung krovod’a kal ahle suma dingâ pet, kayam ni yima arid’a tcholï kuana.

Zla d’a d’ogolâ 16:23

Sama ned’a nga mi djib’er djib’er tua ba, mi de zlad’a, zla d’a ndavunamba nga d’i im avogovok mi.

Isai 9:17

Kayam asa’ata nga d’i ngal d’igi aku d’a nga d’i ngal kekerezeuna azi kaweid’a woi d’a nga d’i ngal agu d’a ndindika woid’a na, andozot nga mi i akulo mi d’ugula gongzong.

Efes-sâ 5:4

Wani zla d’a zulona ki sun nda lilid’a ki zla d’a tchibeta, ar agi yazi simiyêzi d’uo mi, wani vama kalâ, kur tchen magid’a, agi lagi ni mersi mAlona.

Jacques 3:2

Kayam ei pet nga tchilei yam ahlena ngola. Le sana nga mi tchila yam ahlena kur zla mam mba ded’a d’uo ni, sa máma ni sama ndak memetna, mi ndak á ngom tam pet memet mi.