Matiye 11:5 - Bible azumeina

⁵ Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma hohoud’a mi.

Matiye 11:5 Referans Kwoze

Wana ni Zla d’a Djivi d’a Luc mi b’irita 4:18

Muzu’â hi Salad’ina mi nga kanu, kayam mi von mbulâ kan mi tinin iran van ná tchi wal Zla d’a Djivid’a mi suma houd’a. Mi sunun á tchi wala mi suma a yozi magombina á tchuguzi akulo, á mal ir suma duka woyo, á tchuk suma a nga lazi ndakina akulo,

Isai 29:18

Kur yi máma suma ngela a mba hum zla d’a kur mbaktumbid’a. Ata yi máma suma duka a buzuguzï woi kur nduvunda ata yima wura ma i’îli’â, a mba we yina.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

Matiye 21:14

Suma duka ki suma dileîd’a a mba gevem kur gong nga kud’ora hAlonid’a, mi sud’uzi mi.

Jean 10:38

Wani le an nga ni lad’u ni, agi le hagi gagazid’a kan nduo pî, agi hagi gagazid’a yam sun ndata. Hina wani, agi mba wagi tetet ala Abun nga kurunu, an nga kur Abun mi.

Jean 10:25

Jesus mi hulong dazi ala: An dagiya wa, wani agi hagi nga gagazid’a kan ndi. Sun nda an lat ki simiyê Abunda nga d’i le glangâsâ kanu,

Jean 5:36

Wani an nga ki glangâs ma ngol ma kal ma hi Jean-nina, kayam sun nda Abun handjid’a, an nga ni ndagat vunad’u. Sun nda an lata nga d’i le glangâsâ kan ala nAbun ba, mi sununïya.

Jean 3:2

Mi mba gen Jesus andjege, mi dum ala: Ma hat suma, ami wang ala angî ma Alona sunungî á had’amina, kayam le Alona nga ki sana d’uo ni, mi ndak á lahle suma ndandal suma ang nga lazi wana d’i.

Jean 2:23

Kid’a Jesus nga avo Jerusalem ata yima vun til ma Pa’îd’a, suma ablaud’a a he gagazid’a kamu, kayam a wahle suma simat suma teteng suma mi lazina.

Marik 9:25

Wani ata yima Jesus mi wablau suma a nga ringî gevezina, mi ngop muzuk ma tcho ma d’elem bei de zlad’a bei hum zlad’ina ala: An hang vuna, ang nde woi kur gorâ, ang hulong kurum mbuo d’a.

Marik 7:37

Suma pet a le atchap ngola, a dala: Ahle suma nga mi lazina pet a djivid’a, nga mi mal suma ngela humazi woyo, suma ndumîd’a pî, a mbut de zlad’a mi.

Matiye 10:8

Agi sud’ugi suma tugud’eid’a, agi tchologi suma matna akulo, agi sud’ugi suma libina, agi digigi muzuk ma tchona woi kur suma. Agi vagi ni hawa, agi hagi mi suma ni hawa mi.

Matiye 9:30

Irazi d’i mal leyo! Jesus mi gad’azi ngola, mi dazi ala: Agi gologi tagi djiviya, ar sa mi we zla ndata d’i.

Isai 66:2

Ma didina mi de kua ala: Ahle suma agi wazi pet wana, ni an ba ni lazi kabonu. An nga ni dagiya, azi pet ni mana. Sama tan lan djivid’a kama ni ma hohou ma nga mi hum zla manda ki mandarâ nga mi zlak avorotna.

Isai 43:8

Ar a buzugï ki suma a nga ki ira, wani a nga we d’uo na, ki suma a nga ki humba, wani a nga hum va d’uo na.

Sawal la giled’a 146:8

nga mi mal ir suma duka woyo, nga mi d’op suma gun kä na woyo, nga mi le yam suma d’ingêrâ mi.

Sawal la giled’a 22:26

Ma didina, ni kayam ang ba, an mba ni gileng aduk tok ka ngola hi sumid’a; an mba ni ndak vun vun ma hle ma an hlangzi avok suma a lang mandarangâ.

2 Amuleina 5:14

Kayam ndata, Näman mi i kur alum ma Jurdê-na, mi hlup kä aduk mbina hluhlup yam kid’iziya d’igi Elise mi dum na. Mi yak kei yuyung, babagam mbut d’igi gogor ma gorâ na.

2 Amuleina 5:7

Ata yima amul ma Israel-lâ mi dap mbaktum ndata ndumba dapma, mi haû baru mama woyo, mi er ad’um akulo ala: An nAlona ba, ni tchi sana kat mi, ni hulong zlid’im mi zu? Gola! Amul ma Siri-na mi sununï sana ka wana ala an yagam libi mama woyo! Agi wagi zla d’a sa máma mi halan ki sed’eta.

Matiye 5:3

Suma a ge yazi kä kukud’u’â a le furîd’a, kayam leu d’a akulod’a ni mazid’a.

Sunda hi suma a sunuzinid’a 2:22

Agi Israel-lâ, agi humugi zla d’a an nga ni dagizid’a. Jesus ma Nazarat-na ni sama Alona tagagizi woi avorogi ki sun nda atchap pa ndandala kahle suma simata suma Alona mi lazi ki sed’em adigagi d’igi agi tagi wagi na na.

Zakari 11:7

An nga ni pol tumiyô suma a tchuguzi á ngatina. Gagazi, azi ni tumiyô suma hohoud’a. An yo tutuguyona mbà, an yi d’a hî d’a ala Sumad’a, an yi d’a hî d’a ala Zlap pa tud’a, an pol tumiyô ndazina.

Buzuk ka Abud’a 4:11

Ma didina mi hulong dum ala: Ni nge ba, mi le vun sana ge? Ni nge ba, mi mbut sana ndumîd’a, d’oze ngela, d’oze ma wed’a, d’oze ma duka ge? Ni an Ma didina d’uo zu?

Isai 29:19

Suma lulumana a mba le furîd’a ngola yam Ma didina, suma hou suma aduk sumina a mba le hur ma hapma yam Ma tin tam irat vat yam Israel-lîna mi.

Matiye 11:4

Jesus mi hulong dazi ala: Agi i dagi mi Jean vama agi humugizina ki vama agi wagizina mi.

Matiye 12:13

Ata yi máma, mi de mi sama abom tche mogod’ina ala: Ang mat abong ngeyo. Mi mad’am mbeyo, abom mbut ad’enga d’igi ndrama na.

Jean 9:7

mi dum ala: Ang i mbus irang kur gring ma Silowe-na. Ad’ut nala, Suna. Kayam ndata, sama duka i mbus iramu, mi hulongî, nga mi we yina.