Matiye 11:29 - Bible azumeina

²⁹ Ar agi hlagi djuk mana, agi had’agi atanu, kayam an ni sama lulumana ma hurun ab’lengîna mi, agi mba fagi tuk tad’a mi.

Matiye 11:29 Referans Kwoze

Jeremi 6:16

Ma didina mi de kua ala: Agi i tchologi avun lovota, agi gologiya, agi dagi tagi yam lovot ta adjeud’a ala: Lovot ta djivid’a ni d’a lara ge? Agi tid’igi kuru. Hina wani, agi mba fagi tuk tad’a. Wani azi hulong dala: Ami min tid’imi kur ri.

1 Jean 2:6

Sama dala mam nga kaka zlapa tu kAlona na, djivid’a mi tit d’igi Jesus tamba na.

Jean 13:15

Kayam an simad’agi wa, agi lagi d’igi an lagi na mi.

Matiye 7:24

Jesus mi had’azi kua ala: Kayam ndata, sama lara ma hum zla man nda an data ma le sunda katna, mi hle tamî d’igi sama ne ma mi min aziyam yam ahinad’ina na.

Hebre-na 5:9

Ata yima mi ndak memetna, mi mbut Sala sut ta didinda yam suma pet suma a nga ge yazi kä ad’uma.

2 Korente-na 10:1

Ki tchetchemba, an Paul nga ni tchenegi ki lulumad’a, ki hur ma djivina hi Christ-sâ. Suma dingâ a nga dala ata yima an nga adigagina, an ni sama lulumana, wani ata yima an nga adigagi d’uo na, an nga ni dagi zlad’a bei mandarâ.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Filip-ma 2:5

Ar agi kagagi ki djib’era hi Jesus Christ-sa kurugiya:

Ndumba 12:3

Wani Moise ni sama luluma ma kal suma yam andagad’ina petna.

Matiye 21:5

Agi dagi mi suma kur azì ma Siyon-na ala: Gola! Amul magina nga mi djïya. Ni ma lulumana, mi nga nga yam korod’a, ki koro ma gorâ, nala, korod’a gorotna d’a.

2 Korente-na 10:5

kahlena pet suma a nga le yam mba ad’enga á kak djangûna ki wed’a hAlonid’ina, ami nga mbud’umi djib’er ra lara ge pet kä á ge yat kä ad’u Christ.

1 Tasaloni’â 4:2

Kayam agi wagi vun ma he ma ami hagizi ki simiyê Salad’a Jesus-na.

Jean 13:17

Le agi wagi ahle ndazina, le agi lagi sunda kazi mi ni, agi lagi furîd’a.

Matiye 17:5

Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.

2 Tasaloni’â 1:8

aduk sin akud’id’a, kur bur máma Saleina mba mi mba kayî mama yam suma a wum nga d’uo na ki suma a ge nga yazi kä ad’u Zla d’a Djivid’a hi Saleina Jesus-d’a d’uo na.

1 Korente-na 9:21

Hina mi, ata yima an nga aduk suma bei we gatina, an mbut tan d’igi azi na, wani an nga ad’u gat ndata d’i, kayam á faziya. Nala, an ge nga ni yan kä ad’u gata hAlonid’a d’uo na d’i, kayam an ge yan kä ad’u gata hi Christ-sa.

Sunda hi suma a sunuzinid’a 7:37

Ni Moise máma ba, mi de mi Israel-lâ ala: Alona mba mi tchol ki mam ma djok vuna tu aduk b’oziyogina d’igi an na.

Wana ni Zla d’a Djivi d’a Luc mi b’irita 8:35

Suma a buzuk kei abu á we vama lena. Azi mbeï gen Jesus, a fe sama muzuk ma tchona mi buzuk kei kuruma, mi nga kaka kä avok Jesus ki baruna atamu, iram sik mi. Azi le mandarâ.

Sawal la giled’a 131:1

Ni sawala hi David ta suma a djak Jerusalem á lü vun tilîna a hlata. Ma didina, an nga ki hur ma ngolâ d’oze yam mba ad’enga d’i, an nga ni he tan yam ahle suma nglona d’oze yam ahle suma kal yam ad’eng mandina d’uo mi.

Sawal la giled’a 116:7

An min hulong ata yi man ma tuk tad’a, kayam Ma didina, mi lan djivid’a.

Zla d’a d’ogolâ 3:17

Lovot mata ni lovot ta djivid’a, lovot mat ta gureid’a pet ni halasa.

Isai 28:12

Mi dazi ala: Gol yima tuk tad’a ba wana: Agi aragi sama mi seîna mi tuk tamu. Gol yima halasâ ba wana: Wani azi min humum mbi.

Isai 29:19

Suma lulumana a mba le furîd’a ngola yam Ma didina, suma hou suma aduk sumina a mba le hur ma hapma yam Ma tin tam irat vat yam Israel-lîna mi.

2 Sunda Hamuleinid’a 10:11

Abun mi tinigi sun nda aneka kagi d’igi magumeina na, wani an mba ni tinigi sun nda aneka kagi kala! Abun mi togi ni ki blafâ, wani an mba ni togi ni ki blaf ma sinam mbàna!