Matiye 11:2 - Bible azumeina

² Wani kid’a Jean ma le suma batembina mi nga kur dangeinid’a, mi hum zla sunda hi Christ-sa, mi sun mam suma hata gen Jesus

Matiye 11:2 Referans Kwoze

Marik 6:17

Kayam adjeu Herot tamba mi ve Jean, mi djinim mi gum dangeina kayam Herodiyas atchad’a hi wiyema Filip pa mi vata.

Matiye 14:3

Kayam adjeu Herot mi ve Jean mi djinim mi gum dangeina kayam Herodiyas atchad’a hi wiyema Filip-pa.

Matiye 4:12

Kid’a Jesus mi hum ala a ge wa Jean dangeina d’a, mi i Galile.

Matiye 9:14

Bugola, suma hata hi Jean ma le suma batembina a mba gen Jesus, a djobom ala: Ni kayam me ba, ami ki Fariziyêna d’elemi tami bei te tena, wani mang suma hata a nga d’el tazi bei te tena d’uo ge?

Jean 4:1

Suma Fariziyêna a hum ala Jesus nga mi fe suma hata ngola kal suma hi Jean-na, nga mi lazi batemba mi.

Wana ni Zla d’a Djivi d’a Luc mi b’irita 3:19

Wani Jean mi ngop ma te yamba Herot yam zla Herodiyas atchad’a hi wiyema Filip pa mi vata, yam tcho d’a pet ta mi lata mi.

Matiye 1:17

Tcholï ata Abraham dei gak mba ata David, ad’u andjafâ pet ni dogo yam fid’i; tcholï ata David dei gak mba kur bur ma a yozi magomba Babilon-na, ad’u andjafâ pet ni dogo yam fid’i; tcholï ata bur ma a yozi magomba Babilon-na dei gak mba ata Mesi, ad’u andjafâ ni dogo yam fid’i mi.

Wana ni Zla d’a Djivi d’a Luc mi b’irita 9:7

Kid’a Herot ma te yamba mi hum ahle suma lena peta, mi djib’er ngola, kayam suma dingâ a nga dala: Ni Jean ma le suma batemba ba, mi tchol akulo aduk suma matna.