Matiye 10:5 - Bible azumeina

⁵ Jesus mi sun suma dogo yam mbà ndazina, mi hazi vuna, mi dazi ala: Agi igi aduk andjaf suma dingâ d’i, agi kalagi kur azì ma nglo ma Samari-na d’uo mi.

Matiye 10:5 Referans Kwoze

Jean 4:9

Atcha d’a Samari ndata ti dum ala: Ang ma Juif-fâ, ni nana ba, ang tchenen an atcha d’a Samari-d’a mbiyo ma tched’a ge? Kayam Juif-fâ a nga zlap ki suma Samari-na d’i.

1 Tasaloni’â 2:16

A hal á d’elemi á tchi wala mandjaf suma dingâ yam zla d’a ndak á sud’uzid’a. Hina azi nga ndak vun tcho mazid’a. Wani ayîna hAlonina mi mba wa kazi gagazi.

Wana ni Zla d’a Djivi d’a Luc mi b’irita 17:16

Mi ge tam kä avok Jesus, mi lum mersi. Sa máma ni sama Samari-na.

Sunda hi suma a sunuzinid’a 10:45

Juif suma a he gagazid’a suma a mba ki Pierre-râ a le atchap, kayam Alona mi vo Muzuk ma bei tchod’a ba na yam andjaf suma dingâ mi.

Wana ni Zla d’a Djivi d’a Luc mi b’irita 9:2

Bugola, mi sunuzi á tchi wala yam leud’a hAlonid’a, á sut suma tugud’eid’a mi.

Sunda hi suma a sunuzinid’a 1:8

Wani fata Muzuk ma bei tchod’a ba na mba mi mba kagid’a, agi mba fagi ad’enga, agi mba mbud’ugi man suma glangâsâ kur Jerusalem ki Jude pet ki Samari gak dabid’a handagad’id’a.

Jean 20:21

Jesus mi dazi kua ala: An gagi depa. D’igi Abun mi sununï na, an sunugi na mi.

Jean 7:35

Kayam ndata, Juif-fâ a de tazi ala: Sa máma, mi i ni lara ba, ei ndak á feizi d’uo ge? Mi i ni gen Juif suma a b’rau woi aduk suma Gre’â á hat suma Gre’â zu?

Jean 4:5

Kayam ndata, mi mba kur azì ma ngol ma Samari ma simiyêm ala Sikar ma go kasine ma Jakob mi hum mi goroma Josef-fâ.

Wana ni Zla d’a Djivi d’a Luc mi b’irita 10:33

Wani ma Samari-na mi hleï tita, mi mba ata yi máma, mi wumu, mi wum hohowomu.

Matiye 4:15

Andaga d’a Zabulon-nda kandaga d’a Neftali-d’a suma a nga kaka avun lovot ta i avun alum ma ngolîd’a suma sä abo alum ma Jurdê-na woi hina suma kur Galile d’a handjaf suma dingîd’a

Sunda hi suma a sunuzinid’a 8:1

Kur bur máma djop vun ma ngolâ mi nde yam suma toka avo Jerusalem. Azi pet a b’rau woi yayak yam ambas sa Jude-d’a ki Samari. Suma a sunuzina a arî azi hol.

Jean 8:48

Juif-fâ a hulong dum ala: Zla d’a ami dat ala: Angî ma Samari-na, ang nga ki muzuk ma tchona kurungû d’a, ni zla d’a gagazid’a d’uo zu?

Jean 4:20

Abuyomi ngolo a kud’or Alona ni yam ahina d’a wanda, wani agi Juif-fâ a nga dagiya ala: Mbeî a kud’uromî kur Jerusalem.

Wana ni Zla d’a Djivi d’a Luc mi b’irita 10:1

Bugol zla ndata, Salad’a mi man suma hat suma dingâ dok kid’iziya yam mbà. Mi sunuzi mbàmbà avorom á i kur azina ki yima lara ge pet ma mam tam min i kuana.

Matiye 22:3

Mi sun azungeî mama á yumï suma mi yazi yam te ma telina, wani azi min á mba d’i.

Marik 6:7

Mi yi mam suma hat suma dogo yam mbàna gevemu, mi nde sunuzi mbàmbà, mi hazi ad’enga á dik muzuk ma teteng ma tchona woi kur suma mi.

Wana ni Zla d’a Djivi d’a Luc mi b’irita 9:1

Jesus mi tok mam suma dogo yam mbàna, mi hazi vuna kad’enga á dik muzuk ma tchona woi kur suma, á sut suma tugud’eid’a mi.

Jean 17:18

D’igi ang sununï kur duniyad’a na, an sunuzi kur duniyad’a na mi.