Matiye 1:1 - Bible azumeina

¹ Wana ni mbaktum mba yam andjafâ hi Jesus Christ ma ad’u andjafâ hi David ma ad’u andjafâ hi Abraham-mina:

Matiye 1:1 Referans Kwoze

Ad’u Tinda 22:18

Ni kayam andjavang ba, an mba ni b’e vunan yam suma yam andagad’ina pet, kayam ang humun vunanu.

Galat-na 3:16

Ni hina ba, Alona mi hle vunam mi Abraham kandjavamu. Mi de hina ni yam andjavam ma ablauna d’i, wani mi dala: Ad’u andjavangû, nala, ni sama tuna, ni Christ.

Romê-na 1:3

Zla d’a Djivi ndata ni yam Gorom ma a vud’um ad’u andjafâ hamulâ David-nina,

Vama ndum mbeina 22:16

An Jesus, an sunugi malaika mana, kayam mi dagi ahle ndazina pet kur Toka. An ni David gorom ngolona, an ni avevel ma fo yina.

Sawal la giled’a 132:11

Ma didina mi gun tam mi David, gagazi, nga mi hulong bugol li; mi dala: Ni gorong ma kurungâ ba, an mba ni tinim á kak yam zlam mang nga amula blangângû.

Jeremi 23:5

Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Isai 11:1

Abo aguna mi hud’urï ata abu aguna hi Jesse-na, mba mi d’uvï ata sideyemu.

Jean 7:42

Mbaktumba hAlonid’a ti dala: Mesi mba mi ndeï nad’u andjafâ hi David-na kur azì ma Betelehem ma David mi kak kuana d’uo zu?

Ad’u Tinda 12:3

An mba ni b’e vunan yam suma yam andagad’ina pet ni kang angû; suma a mba b’e vunazi kangâ, an mba ni b’e vunan kaziya; suma a mba gang vunina, an mba ni gazi vuna mi.

Sunda hi suma a sunuzinid’a 2:30

Kayam mam mi ma djok vun Alona, mi wala Alona mi hlum vuna ki gun tad’a ala mba mi pat sana tu ad’u ndjavam kuruma á kak yam zlam mam mba amula.

Matiye 1:18

Vuta hi Jesus Christ-sa ni hina: Kid’a Josef mi kasum Marie azi bei zlap tua d’a, ti ve wirâ kad’enga hi Muzuk ma bei tchod’a ba na.

Isai 53:8

A vum kad’enga, a kam sariyad’a kamu, a kid’eyêm iramu. Wani ni nge ba, mi djib’er yam zla mamba ata yi máma ge? A hlum mbei yam andagad’a hi suma a nga ki irazina, a tom to d’a matna ni yam tchod’a hi sum manid’a.

Romê-na 9:5

Abraham azi ki Isak ki Jakob nabuyozi ngolo. Nad’u andjavazi ba, Christ mi ndeï kua d’igi sana na. Mam nAlo ma te yam ahlena petna, ni ma ndak á gilem gak didina. Amin!

Romê-na 4:13

Vun ma hle ma Alona mi hle vunam mi Abraham kandjavam ala andaga d’a wanda mba d’i arî d’igi djo mazina na d’a, ni yam mba Abraham mi ge yam kä ad’u gata hi Moise-sa d’i, wani ni yam he gagazi mamba.

Matiye 15:22

Atcha d’a Kanan-nda, ti mba ti er ad’ut akulo ala: Salana, David goroma, ang wan hohowonu, kayam muzuk ma tchona mi nga kur goronda, nga mi lat ndaka heî.

Matiye 9:27

Jesus mi tchol ata yi máma, nga mi kala; suma duka mbà a nga tit ad’umu. A er ad’uzi akulo, a dum ala: Ang David goroma, ang wami hohowomiya.

Jeremi 33:26

ata yi máma an mba ni gandjafâ hi Jakob-ma ki ma hazong mana David-na woyo, an mba ni hle sa ad’u andjavam aduk suma a mba te yam andjafâ hi Abraham-ma yam andjafâ hi Isa’â yam ma hi Jakob-ma d’uo mi. Kayam an mba ni hulongî ki mazi suma a yozi magombina avo, an mba ni wazi hohowozi mi.

Ad’u Tinda 2:4

Wana nad’u tinda hakulod’a kandagad’id’a kid’a Alona mi lazid’a. Ata yima Ma didina Alona mi landagad’a kakulod’ina,

Matiye 3:16

Ata yima Jean mi le Jesus batembina, Jesus mi tup pei akulo aduk mbina. Ata yi máma na wat, akulod’a ti mal leyo, Jesus mi we Muzu’â hAlonina mi surop kam kä d’igi gugud’a na mi.

Zakari 12:8

Kur bur máma Ma didina mba mi ngom suma Jerusalem-ma. Ma amangeî ma adigazina mba mi mbut ni d’igi David na, ma ad’u andjafâ hi David-nina mba mi mbut ni d’igi Alona na, d’igi malaikana hi Ma didinina na avorozi mi.

Amos 9:11

Ma didina mi dala: Kur bur máma an mba ni hulong min yima kaka hi David ma mi dris kä woina akulo, an mba ni min ir gulumun ma tcho woina akulo, an mba ni min yima b’lak keina akulo, an mba ni minim d’igi adjeud’a na.

Ad’u Tinda 5:1

Wana ni simiyê andjafâ hi Adam-ma. Bur ma Alona mi le sanina, mi lumî d’igi mam tamba na.

Sawal la giled’a 89:36

Yam bei tcho manda an ni gun tan ni ki iran fafat, na ni an ndak á ka zlad’a mi David tchu?

Sawal la giled’a 89:3

Gagazi, an nga ni dala: O mang nga ang tinita ni d’a gak didinda, d’engzeng manga ang sirat akulo mi.

Matiye 1:2

Abraham mi vut Isak, Isak mi vut Jakob, Jakob mi vut Juda azi ki b’oziyoma,

Wana ni Zla d’a Djivi d’a Luc mi b’irita 1:33

Mam mba mi te leud’a yam Israel-lâ gak didin, leu mamba mba d’i dap pi.

1 Timote 2:5

Kayam Alona ni tu, Ma aduk suma kAlonina ni tu mi, ni sana, nala, Jesus Christ.

2 Timote 2:8

Ang djib’er yam Jesus Christ ma ad’u andjafâ hi David-na ma mi tchol akulo aduk suma matnina, ni ma an nga ni tchum walam mbei kur Zla d’a Djivid’ina.