Marik 9:2 - Bible azumeina

² Bugol kur bur ma karagayana, Jesus mi yo Pierre azi ki Jacques ki Jean, mi i ki sed’ezi akulo yam ahina d’a fiyak ka ked’iwurenga woi vaziya. Tam mbi mbut vat zenen avoroziya.

Marik 9:2 Referans Kwoze

Isai 33:17

Irang mba d’i wamulâ kur subur mamba, ti mba d’i wambasa ki bubu mata pet mi.

Marik 5:37

Mi ar nga sama ding mi i ki sed’em mbi, wani ni Pierre azi ki Jacques ki wiyema Jean hol.

Marik 14:33

Mi yo Pierre azi ki Jacques ki Jean ki sed’emu, vunadigam mbi pat fek, tam mbi nde lum a’alî ngola.

Buzuk ka Abud’a 24:13

Moise mi tchol kazong mama Josue, a nde djak akulo yam ahinad’a hAlonid’a.

2 Korente-na 13:1

Wana ni i manda yan á hindid’a á iza hatagid’a. D’igi mbaktumba hAlonid’a ti de na ala: Le zla d’a glangâsâ hi suma mbà d’oze hindid’a ti ndjak tu yam sama a tchugum zlad’a kama ni, zlad’a mba d’i vumu.

Isai 53:2

Mi wul avoromî d’igi agu ma mi deî awilina na, d’igi agu ma mi deî yam andaga d’a sod’ina na mi. Mi nga ki djif foze mi wile tala ei golomu d’a d’i, iram mbi nga djivid’a á togei irei kam á gola d’uo mi.

1 Amuleina 18:42

Ahap mi i á ted’a, á tched’a. Wani Elie mi i yam ahina d’a Karmel-la akulo, mi tchok yam kä andaga, iram ped’a kä aduk guguvamu.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.

Marik 16:12

Bugol ahle ndazina, Jesus mi nde tam mbei ir suma mbà ki ta d’a dinga kid’a azi nga kur tita á i kur azì ma kelîd’a.

Filip-ma 3:21

Mam mba mi mbud’i hliwi ma amangeî ma ad’u ad’enga hi matnina, mba mi mbud’i hliwi d’igi hliwim ma subura na kad’eng mam mba ndak á hulong ahlena pet yazi kä ad’umba.

Romê-na 12:2

Ar agi mbud’ugi tagi d’igi suma kur duniya d’a wandina na d’i, wani ar Alona mi mbud’ugi djib’er magid’a memet. Hina wani, agi mba wagi minda hAlonid’a ala wana ni vama djivi ma lum tam djivid’a ma ndak memetna.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Wana ni Zla d’a Djivi d’a Luc mi b’irita 6:12

Kur bur máma Jesus mi i yam ahinad’a á tchen Alona. Kur andjege ndata pet, nga mi tchen Alona.

Matiye 14:13

Kid’a Jesus mi hum zla ndatid’a, mi ar yi máma, mi djak kur alumba, mi i abagei ata yima sa nga kua d’uo na. Kid’a ablau suma a humum zlamba, a buzuk kur azina teteng, a nga i ad’um kasezi avun mbina.

1 Amuleina 18:33

Mi ndja aguna yam yima ngal ahle suma ngat buzuna, mi pau amuhlâ kä woyo, mi yom mi tchugum yam aguna.