Marik 8:6 - Bible azumeina

⁶ Ata yi máma, mi he vuna mablau suma ala á kak kä andaga. Mi yo avungô ma kid’iziyana. Kid’a mi le mersi mAlona kamba, mi mbrugum kä, mi hum mi mam suma hata á b’raud’a; a b’rawam mablau suma mi.

Marik 8:6 Referans Kwoze

Kolos-sâ 3:17

Kur ahlena pet suma agi lagizina, le ni zla d’a ded’a, d’oze le ni sunda, ar agi lagizi pet ni ki simiyê Salad’a Jesus. Agi lagi mersi mAbui Alona ki simiyêm mi.

Romê-na 14:6

Sama nga mi wal burâ irama, mi walamî á hu Salad’a. Sama nga mi te tena petna, mi tumî á hu Salad’a, kayam nga mi le mersi mAlona. Sama nga mi te tena pet tuo na, mi te d’uo ná hu Salad’a, kayam nga mi le mersi mAlona mi.

Jean 6:23

Wani alumei suma dingâ a tcholï Tiberiyat, a mba ata yima azi tavungô ma Salad’a mi le mersi mAlona kama.

Jean 2:5

Asum mbi de mi suma le sunda ala: Agi lagi ahlena pet suma mam mba dagi kazina.

Wana ni Zla d’a Djivi d’a Luc mi b’irita 24:30

Kid’a mi kak avun tena ki sed’ezid’a, mi hlavungôna, mi le mersi mAlona kamu, mi mbrugum kä, mi haziziya.

Wana ni Zla d’a Djivi d’a Luc mi b’irita 12:37

Azungeî suma salazina mba mi fazi ndjola ata yima mi hulongîna, a le furîd’a. Gagazi, an nga ni dagiya, mba mi djin d’ik mama furumu, mi kagazi kä avun tena, mba mi lazi sunda.

Matiye 26:26

Kid’a azi nga ted’a, Jesus mi hlavungôna, mi le mersi mAlona kamu, mi mbrugum kä, mi haziziya, mi dazi ala: Agi vagiya, agi tagiya, ma wana ni hliwinu.

1 Samuel 9:13

Agi kalagi hur azina, agi mba fum avok bei mam djak akulo ata yima nding ma a tinim iram vama á te tena. Bei mam mba ba ni, sa nga mi te tena d’i, kayam ni mam ba, mi b’e vunam yam ahle suma ngat buzuna tua ba, suma a yazïna a te tua. Agi b’ad’agi atogo, agi mba fumu.

Marik 8:5

Jesus mi djobozi ala: Avungôna nga abogi ni ga ge? Azi hulong dum ala: Ni kid’iziya.

Marik 8:7

A nga ki kuluf ma gureina nde mi. Kid’a mi le mersi kamba, mi hazi vuna á b’rawazizi mi.

Marik 8:20

Mi djobozi kua ala: kid’a an mbruk avungô ma kid’iziyana mi suma dudubud’a fid’id’a, agi taragi ad’um mba ara ti oî gumud’a ni ga ge? Azi dum ala: Kid’iziya.