Marik 8:33 - Bible azumeina

³³ Wani Jesus mi mbut iram mi gol mam suma hata, mi ngop Pierre, mi dum ala: Seitan, iza woi hina dei blogonu, kayam djib’er manga nga ni djib’era hAlonid’a d’i, wani ni djib’era hi sumid’a.

Marik 8:33 Referans Kwoze

Matiye 4:10

Jesus mi hulong dum ala: Seitan, ang huttcha woi dei, kayam a b’ir kur mbaktumba hAlonid’a ala: Ang kud’orî Ma didina Alo mangâ, ni mam tu go ba, ang lum sunda.

1 Jean 2:15

Ar agi lagi yam duniyad’a d’oze ahle suma kurutna d’i. Le sama nga mi le yam duniyad’a ni, nga mi le yam Abui Alona d’i.

Filip-ma 3:19

Sum ndazina, dabi mazid’a ni bad’a, alo mazina ni hayaziya. Azi nga subur tazi yam ahle mazi suma zulona, djib’er mazid’a ni yam ahle suma yam andagad’a ka hina go.

Vama ndum mbeina 3:19

Suma an nga ni le kazina pet, an nga ni ngoboziya, an nga ni gad’azi mi. Kayam ndata, ar ang b’at tang á mbut hurung yam tcho manga.

Sawal la giled’a 141:5

Ar sama d’ingêrâ mi tonu, ni vama djivina kanu. Ar mi ngobonu, wana ni mbul ma vondji kana. An mba ni fut yan ndei d’i, wani tchen manda mba d’i tchol akulo á kak djangûna ki suma murud’umba.

1 Pierre 4:1

Kayam Christ mi fe ndaka kur hliwimu, ar agi minigi tagi ki djib’er ra tu ndata mi, kayam sama ve tam kur ndaka kur hliwima, mi wal lei ki tchod’a.

1 Timote 5:20

Suma nglo suma gol Toka suma a nga le tchod’ina, ang ngobozi ir suma pet, kayam suma hiuna a mbut mandarâ.

1 Korente-na 5:5

agi hagi sama hina na abo Seitan kayam mi b’lagam hliwimu. Hina wani, muzugam mba mi fe suta kur burâ hi Salad’a Jesus-d’a.

Wana ni Zla d’a Djivi d’a Luc mi b’irita 22:61

Salad’a mi pret tam mi gol Pierre. Pierre mi djib’er yam zla d’a Salad’a mi dumzi ala: Avok ahle’â bei hel ini tua d’a, ang mba tin vunang kan yang hindi ala ang wan nga d’uo d’a.

Marik 3:34

Wani mi pret tam mi gol suma a nga kak kä gevema, mi dazi ala: Gol asun azi ki b’oziyona ba wana.

Marik 3:5

Mi pret tam mi golozi ki zlazi pet, hurum zal ngola, kayam me mi fe hur ma wurana yam hur mazi ma b’ala. Mi de mi sa máma ala: Ang mat abong ngeyo. Mi mad’am mbeyo; abom mbut blangâm ma adjeuna.

Matiye 15:23

Wani Jesus mi hulongôt nga zla d’a de tu d’i. Mam suma hata a mba gevem a tchenem ala: Ang arat ti iya, kayam nga d’i tchi blogeya.

2 Samuel 19:22

Wani David mi de mi Seruya grotna ala: Vama ndologi ki an ni me tala agi mbud’ugi man suma djangûna d’a ge? Kur bur ma inina sana ndak á tchi sana aduk Israel-lâ zu? An we ini ala ni an ba ni tamula yam Israel-lâ d’uo zu?

Sunda hi suma hi Levi-nid’a 19:17

Ang ve wiyengâ kurung ngi, ang ngop ndrangâ yam tcho mamba. Hina wani, tcho mamba mba d’i vang ngi.

Wana ni mbaktum mba Paul mi b’irit mi Tit-ta 1:13

Glangâs mama ni gagazi. Kayam ndata, ar ang ngobozi ad’enga, kayam azi mbut ni suma d’ingêrâ kur he gagazid’a.

Wana ni Zla d’a Djivi d’a Luc mi b’irita 9:55

Wani Jesus mi pret tamu, mi ngoboziya, mi dazi ala: Agi wagi nga muzuk ma kurugi ma nga dagi zlad’a wana d’i.

Wana ni Zla d’a Djivi d’a Luc mi b’irita 4:8

Jesus mi hulong dum ala: A b’ir kur mbaktumba hAlonid’a ala: Ang kud’orî Ma didina Alo mangâ, ni mam tu go ba, ang lum sunda.

Wana ni mbaktumba hi Job-pa 2:10

Wani Job mi dat ala: Ndak de ni d’igi atcha d’a lilid’a na! Le ei vei djivid’a abo Alona ni, ei ndak á vei tchod’a abom mi d’uo zu? Hina pet pî, Job mi le nga tchod’a ki zla d’a avunamba d’i.

Matiye 16:23

Wani Jesus mi mbut iram mi de mi Pierre ala: Seitan, iza woi hina dei ad’unu, ang hal á pugun kur tchod’a, kayam djib’er manga nga ni djib’era hAlonid’a d’i, wani ni djib’era hi sumid’a.