Marik 8:2 - Bible azumeina

² Hurun nga mi hat yam sum ndazina heî, kayam azi nga ki sed’en ini ni burâ hindi, a nga ki vama te d’i.

Marik 8:2 Referans Kwoze

Matiye 9:36

Wani kid’a mi wablau sumid’a, mi wazi hohowoziya, kayam azi nga kur kaud’a, ad’engêzi nga d’uo d’igi tumiyô suma bei salazi ma polina na.

Mise 7:19

Ang mba wami hohowomi kua, ang mba miret tchila mamid’a kä kasengû, ang mba komi tcho mamid’a sä woi kä ad’u alum ma ngolâ.

Sawal la giled’a 145:15

Ahlena pet a tin huruzi ni kangû, a tin irazi ni kang angû; ni ang ba, nga hazi tena ata yamu.

Sawal la giled’a 103:13

Ma didina nga mi le yam mam suma d’engzengâ d’igi abud’a nga mi le yam groma na mi.

Hebre-na 5:2

Mam tamba nga mi we hohowa suma bei wed’a ki suma vit teina, kayam mam tamba ni ma amangeîna.

Hebre-na 4:15

Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i.

Wana ni Zla d’a Djivi d’a Luc mi b’irita 15:20

Mi tchola, mi i gen abumu. Kid’a mam sä woi hina dei tua d’a, abum mi wumu, mi wum hohowomu, mi ring d’ugulomu, mi vum atam ki furîd’a.

Wana ni Zla d’a Djivi d’a Luc mi b’irita 7:13

Ata yima Salad’a mi watna, mi wat hohowod’u, mi dat ala: Ndak tchi d’i.

Marik 9:22

Wani nga mi gum aduk akud’a teteu, mi gum aduk mbina mi á tchum mbeyo. Wani le ang ndak á le va ni, ang wami hohowomiya, ang ndjunumiya.

Marik 6:34

Kid’a Jesus mi nde woi kur alumbid’a, mi wablau suma ngola. Hurum hat kaziya, kayam azi ni d’igi tumiyô suma bei salazi ma pola ba na na. Mi nde mi had’azi ahlena ngola.

Marik 5:19

Wani Jesus mi aram mbi, wani mi dum ala: Ang i avo hatang gen simiyêngû, ang vazi ad’u ahle suma Salangâ mi lazi ki sed’engâ, ni nana ba, mi wang hohowong ge.

Marik 1:41

Jesus hurum mi hat kamu, mi mat abomu, mi domu, mi dum ala: An mina, ar libi mangâ mi yak keyo.

Matiye 20:34

Jesus mi wazi hohowoziya, mi dozi iraziya. Ata yi máma na wat, irazi d’i mal leyo, a nga tit ad’um mi.

Matiye 14:14

Kid’a mi nde woi kur alumbid’a, mi wablau suma ngola. Hurum hat kaziya, mi sut suma tugud’ei suma a nga adigazina mi.

Sawal la giled’a 145:8

Ma didina, angî ma sumad’a, angî ma we hohowa sumina; hurung nga mi zal atogo d’i, wani angî ma o manga nga d’i dap puo na mi.

Hebre-na 2:17

Kayam ndata, mbeî mi mbut tamî d’igi b’oziyoma na kur ahlena pet, kayam mi mbut mazi ma ngol ma ngat buzu ma d’engzeng ma we hohowa suma kur sun mamba avok Alona, kayam Alona mi vat hurum mbei yam tchod’a hi sumid’a.

Marik 6:32

A i tchuk kur alumba, a i woi abo tu hur fulâ ata yima sa nga kua d’uo na.

Marik 8:3

Le an arazi a i avo hatazi ki meid’a hina ni, azi mba ngrap glovot abo meid’a, kayam suma dingâ adigazi a tcholï nata yima deina.

1 Amuleina 19:6

Elie mi gol gevem hina wani, mi we avungô ma a lumî akulo yam ahuniyô suma akud’ina nga tinda kä kam kagel la mbina mi. Bugol la mi te mi tche mi d’a, mi hulong mi bur kä.