Marik 8:11 - Bible azumeina

¹¹ Fariziyêna a mba, a nde tchi tuguyod’a ki Jesus. A nga kugum ala mi tagazi vama simat ma tcholï akulona.

Marik 8:11 Referans Kwoze

1 Korente-na 10:9

Ar ei kugi Salad’a d’igi suma dingâ adigazi a kugum hina ba guguyona a tchazi woi na d’i.

Matiye 12:38

Ata yi máma, suma hat gat suma hiuna azi ki Fariziyê suma hiuna a hulong de mi Jesus ala: Ma hat suma, ami minimi ala ang tagami vama simata.

Malatchi 3:15

Tchetchem mba wanda, hotei ni suma subur tad’a d’o, kayam azi nga ki furîd’a! Gagazi, suma tchona, ahle mazina a nga zula, a nga kuk Alona wan pî, va nga mi lazi d’i!

Gat ta a hat á mbàd’id’a 6:16

Ar agi kugugi Ma didina Alo magina d’igi agi kugum sä Masa na d’i.

Jean 4:48

Kayam ndata, Jesus mi dum ala: Le ba agi wagi ahle suma simata kahle suma atchapma d’uo ni, agi nga hagi gagazid’a d’i.

Wana ni Zla d’a Djivi d’a Luc mi b’irita 11:16

Suma dingâ a kugumu, a tchenem ala mi tagazi vama simat ma mi tcholï akulona.

Buzuk ka Abud’a 17:7

Mi yi yi máma ala Masa, mi yum ala Meriba mi, nala, Kuka ki Yalâ, kayam Israel-lâ a yal ki Moise, a kuk Ma didina mi, a dala: Ma didina mi nga adigei d’oze mi nga adigei d’uo zu?

Sunda hi suma a sunuzinid’a 5:9

Wani Pierre mi dat ala: Ni kayam me ba, agi ndjagagi vunagi á kuk Muzu’â hi Salad’ina ge? Gola! Wana nasem suma a i tos ndjuvu’â, a nga abu vun gonga, a mba hlak ini ndak mi.

Jean 7:48

Sama ding aduk nglo suma ngat buzuna d’oze aduk Fariziyêna mi he gagazid’a kam zu?

Jean 6:30

Kayam ndata, azi hulong dum ala: Ang le ni me ma simata ba, ami wamizi ami hami gagazid’a kang nge? Ang mba le ni suna me ge?

Wana ni Zla d’a Djivi d’a Luc mi b’irita 10:25

Ma hat gata tu mi tchol á kuk Jesus, mi djobom ala: Ma hat suma, an le ni nana ba, mba ni fari d’a didinda ge?

Marik 12:15

Wani Jesus mi we mbut ir mazid’a, mi dazi ala: Ni kayam me ba, agi kugun nge ge? Agi hanï sile ndata wana, an golod’u.

Marik 2:16

Kid’a suma hat gat suma Fariziyêna a wum nga mi te ki suma tchona azi ki suma ve lombod’id’a, azi de mi mam suma hata ala: Ni kayam me ba, nga mi te ki suma ve lombod’a azi ki suma tchona ge?

Matiye 22:23

Kur bur máma, Sadusiyê suma a nga dala suma matna a mba tchol akulo d’uo na, a mba ata Jesus, a djobom ala:

Matiye 22:18

Wani Jesus mi we tcho mazid’a, mi dazi ala: Agi suma lop ira, ni kayam me ba, agi kugun nge?

Matiye 22:15

Ata yi máma, Fariziyêna a i a ndjak vunazi ala ni nana ba, azi ve Jesus ki zla d’a de d’a avunamba ge?

Matiye 21:23

Ata yi máma, Jesus mi kal kur gong nga kud’ora Alonid’a, nde mi hat suma. Nglo suma ngat buzuna azi ki suma nglona hi Juif-fîna a mba, a djobom ala: Ni kad’eng nga lara ba, ang le kahle ndazina hina ge? Sama mi hang ad’eng ndata ni nge ba, ang nga le kahle ndazina hina ge?

Matiye 19:3

Fariziyêna a mba atam á kugumu, a djobom ala: Na ni gat meid’a ti ar lovota mi sana á dik amamba woi yam zla d’a lara ge zu?

Buzuk ka Abud’a 17:2

a nde yalâ ki Moise, a dum ala: Ang hamï mbiyo ma tched’a. Moise mi hulong dazi ala: Ni kayam me ba, agi yalandi ge? Ni kayam me ba, agi kugugi Ma didina ge?

Jean 8:6

A de hina á kugum tala azi fe lovota á vum ki zlad’a d’a. Wani Jesus mi d’ok yam kä, mi nde b’ir ki tchitchid’am kä andaga.

Marik 9:16

Jesus mi djop mam suma hata ala: Ni yam me ba, agi tchagi tuguyod’a ki sed’ezi ge?