Marik 7:21 - Bible azumeina

²¹ Kayam ni krovo kur sana ba, djib’er ra tchod’a, e’eûd’a, kula, tchi matna,

Marik 7:21 Referans Kwoze

Jeremi 17:9

Vama mbut ira d’igi hur sana na na nga d’i. Sana mi ndak á minim mbi, sana mi ndak á wum ad’um mbuo mi.

Matiye 15:19

Kayam vama mi ndeï woi kur sanina, ni djib’er ra tchod’a, tchi matna, mizeuna, e’eûd’a, kula, zla d’a kad’a ki ngula mi.

Sunda hi suma a sunuzinid’a 8:22

Kayam ndata, ang mbut hurung yam tcho manga, ang tchen Salad’a, dam hurum mba mi vat tei yam djib’er ra kurunga kla.

Ezekiyel 38:10

Salad’a Ma didina mi dala: Kur bur máma ang mba djib’er djib’er ra dinga teteng, ang mba nga hurung á le vama tchona.

Matiye 9:4

Jesus mi we djib’er ra kuruzid’a tcha, mi dazi ala: Ni kayam me ba, agi djib’eregi djib’er ra tchod’a na ge?

Jeremi 4:14

Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?

Jacques 2:4

agi kagi ni ir tagi d’uo zu? Agi mbud’ugi ni suma ka sariyad’a kur djib’er ra tchod’ina.

Zla d’a d’ogolâ 4:23

Ang ngom djib’er ra kurung krovod’a kal ahle suma dingâ pet, kayam ni yima arid’a tcholï kuana.

Wana ni Zla d’a Djivi d’a Luc mi b’irita 16:15

Jesus mi dazi ala: Agi ni suma min á mbut tagi d’ingêr avok sumina, wani Alona mi wagi hurugiya, kayam vama suma suburum adigazina ni vama tchona avok Alona.

Isai 59:7

Asegi nga mi tin kä ta d’i á le tchod’a, agi nga b’ad’agi tagi á tchi sama bei zlad’a kama. Djib’er magid’a ni djib’er ra tchod’a, hurumba ki b’laka ni sun magi d’a led’a.

Sawal la giled’a 53:3

Alo ma sä kaka akulona, nga mi gol suma kä yam andagad’ina á we sama ne ma halam mam Alonina nga zu?

Sawal la giled’a 14:3

Azi pet a vit teyo, a mbut tchod’a abo tazi tu; sama le djivid’ina nga d’i, tu pî nga d’i.

Romê-na 7:8

Wani tchod’a ti fad’enga ni yam vun ma hed’a hi gatina á le sun nda d’od’oka teteng kurunu. Ladjï gata nga d’uo ni, tchod’a ni vama matna.

Sunda hi suma a sunuzinid’a 5:4

Kid’a ang nga ki sed’emba, ni mangâ d’uo zu? Le ang guzum mbei pî, begem ni manga mi d’uo zu? Ni yam me ba, ang nga hurung á lahle ndazina na ge? Ang ka ni zlad’a mi suma d’i, wani ni mAlona.

Zla d’a d’ogolâ 15:25

Ma didina nga mi to azina hi suma a subur tazina woyo, wani nga mi hle ir hagad’a hatcha d’a modonod’a akulo.

Sawal la giled’a 14:1

Ni sawal la David mi hlat mi hat mi ma ngolâ hi suma hle sawalina. Suma lilid’a a nga de kuruzi ala: Alona nga d’i! Azi ni suma b’lak keina, a le ni sun nda ndjendjed’a; sama le djivid’a tu pî nga d’i.

Wana ni mbaktumba hi Job-pa 25:4

Ni nana ba, sana mi mbut sama d’ingêrâ avok Alona ge? Ni nana ba, sama atchad’a vud’uma mi mbut sama yed’etna ge?

Wana ni mbaktumba hi Job-pa 14:4

Ni nge ba, mba mi ndeï vama yed’etna woi ata vama ndjendjed’a ge? Sa tu pî mi ndak á le hina d’i!

Ad’u Tinda 8:21

Ata yima ahle suma ngal ndazina his mazi ma afufuîna tchuk atchin Ma didinina, mi dala: An dok ni gandagad’a vuna yam sana d’uo d’a, kayam djib’er ra kur sanid’a ni tchod’a ki gogorom dei. An dok ni tchi ahle suma arina woi pet d’igi an tchazi avok na d’uo d’a.

Ad’u Tinda 6:5

Ata yima Ma didina mi we tchod’a hi suma nga d’i i avogovok djib’er mazid’a burâ pet ni yam tcho d’a led’ina,

Romê-na 7:5

Kid’a ei tid’i yam minda hi sa mei ma adjeunid’a, gata ti zut djib’er ra tchod’a á le sunda ir hliu tei á ï kur matna.

Sawal la giled’a 53:1

Ni sawal la gile d’a David mi hlat mi hat mi ma ngolâ hi suma hle sawalina.

Wana ni mbaktum mba Paul mi b’irit mi Tit-ta 3:3

Kayam adjeu ei ni suma bei ned’a, suma bei hum vuna, suma vit teina. Ei ni suma le magomba mi d’od’oka teteng ki furîd’a hi duniyad’ina, suma asa’atna, suma yungôra. Suma a noyêya, ei noyeî suma ding mi.

Sawal la giled’a 119:36

Ang tinin hurun yam ahle suma fed’a d’i, wani ang tinin hurun ni yam vun mang ma hed’a.

Isai 59:13

Ami lami tchod’a avorongû, ami mbud’ung irangû, ami walami woi dei ki ang Alo mamina, ami dami ni zla d’a asa’ata, ami ni suma so vuna, ami dami ni zla d’a kad’a, ami ni suma guruyômi kä kurumi krovona.

Jeremi 16:12

Agi tagid’a, agi lagi tchod’a kal abuyogi ngolo. Gola! Nge nge pî adigagi nga mi tit yam djib’er mam mba yam mba ad’eng nga kurum krovo d’a bei wad’ud’a bei humun vunan ba d’a.

Marik 7:20

Mi dazi kua ala: Vama ndeï woi kur sanina ba, mi mbud’um ndjendjed’a.

Marik 7:22

mizeuna, d’od’oka, murud’umba, á mbut ira, batranga, yungôra, á ngul suma, yam mba ad’enga, ki lilid’a a buzugi ni kua.

Kolos-sâ 3:5

Kayam ndata, agi tchagi ahle suma kurugi suma yam andagad’a ka hina woyo, nala, mizeuna, sun nda ndjendjed’a, e’eûd’a, a’arad’a ki d’od’ok ka tuwal fileina mi.