Marik 6:3 - Bible azumeina

³ Ni sama tchet aguna, Marie gorotna; Jacques, Jose, Jude ki Simon ni b’oziyoma d’i? B’oziyom suma aropma a nga adigei ka hî mi d’uo zu? Kayam ndata, a golom is.

Marik 6:3 Referans Kwoze

Matiye 12:46

Kid’a Jesus nga mi de zlad’a mablau suma tua d’a, asum azi ki b’oziyoma a nga tchola abua, a min á dum zlad’a.

Jean 6:42

Azi dala: Wana ni Jesus Josef goroma d’uo zu? Ni ma ei wum abum azi kasuma d’uo zu? Ni nana ba, mi dala: An tcholï nakulo ge?

Jude 1:1

Ni an Jude ma sunda hi Jesus Christ ma Jacques wiyemina. An nga ni b’ir mbaktumba mi agi suma Alona Abui mi yagi suma nga mi le kagi heî suma nga mi ngomogi zlapa ki Jesus Christ-sâ.

Galat-na 1:19

Wani an we nga sama a sunum ma ding ngi, ni Jacques Salad’a wiyema hol.

Matiye 11:6

Sama le nga hur ma mbàmbàna kan nduo na, mi le furîd’a.

Sunda hi suma a sunuzinid’a 1:13

Kid’a azi kal avod’a, azi djak kur gong nga yam ndrata akulod’a, ata yima azi nga kaka kuana, nala, Pierre azi ki Jean, Jacques, Andre, Filip, Toma, Bartelemi, Matiye, Jacques Alfe goroma, Simon ma kak djangûna ki gata hi Romê-d’a avo’â ki Judas Jacques goroma mi.

Marik 15:40

Arop suma dingâ a nga tchola woi hina dei á gola. Adigazi ni Marie d’a Makdala-d’a azi ki Marie d’a Jacques ma gorâ ki Jose asuzid’a ki Salome mi.

1 Korente-na 1:23

Wani amiya, ami tchami ni wala Christ ma a b’alam akulo ata agunina. Ir Juif-fâ zla ndata ni vama dap asema, ir andjaf suma dingâ ni vama lilid’a mi.

Jean 14:22

Judas, nga ni Iskariyot ti, mi dum ala: Salamina, ni me mba mi le ba, mbeî ang mba tak tang mi amiya, wani ang mba tak tang mi suma duniyad’a d’uo ge?

Wana ni Zla d’a Djivi d’a Luc mi b’irita 7:23

Sama le nga hur ma mbàmbàna kan nduo na mi le furîd’a.

Wana ni Zla d’a Djivi d’a Luc mi b’irita 2:34

Simeon mi dazi kua ala: Ar Salad’a mi ndjunugiya. Mi de mi Marie Jesus asum ala: Alona mi man gor máma ni yam puka ki tchola hi suma ablaud’a aduk Israel-lâ. Mam mba mi mbut ni vama simata hAlonina mi suma kak djangûna ki sed’ema,

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

1 Pierre 2:4

Ar agi hud’ugi gen Salad’a, ahina d’a ari d’a suma min gonga a gat teid’a, wani ni d’a guzut kal tegles sa Alona mi manata.

1 Korente-na 9:4

An nga kad’enga ná te ná tche yam sun manda mi d’uo zu?

Marik 3:18

Andre, Filip, Bartelemi, Matiye, Toma, Jacques Alfe goroma, Tade, Simon ma kak djangûna ki gata hi Romê-nid’a avo’â,

Sunda hi suma a sunuzinid’a 12:17

Mi lazi abom ala a ba, mi vazi ad’ud’a ni nana ba, Salad’a mi pad’amï woi kur dangeina ge. Mi dazi ala a de mi Jacques ki b’oziyod’a suma dingâ. Ata yi máma, mi i yima dingâ.

Wana ni Zla d’a Djivi d’a Luc mi b’irita 8:20

Sana mi dum ala: Asung azi ki b’oziyongâ a nga tchola abua, a min á wangû.