Marik 5:23 - Bible azumeina

²³ Nga mi tchenem ngola ala: Goron nda gora nga d’i le ná matna. Ang mbeï tin abong kad’u, ar ti tchol akulo, ar ti mit ti.

Marik 5:23 Referans Kwoze

Wana ni Zla d’a Djivi d’a Luc mi b’irita 13:13

Mi tin abom kad’u. Ata yi máma na wat, ti tchol akulo d’ingêr, nga d’i subur Alona.

Wana ni Zla d’a Djivi d’a Luc mi b’irita 4:40

Kid’a afata nik dad’a, suma pet suma a nga ki tugud’eid’a tetengâ, a mbamziya. Mi tin abom kazi tutu pet, mi sud’uziya.

Marik 16:18

Azi mba yo guguyona kaboziya. Le a tche ni kuma ma tchi matna pî, mba lazi va d’i. Azi mba tin abozi yam suma tugud’eid’a, a mba sud’uzi mi.

Sunda hi suma a sunuzinid’a 28:8

Ata yi máma, Publiyus abum tam nga d’i kumurum ngola, nga mi vo sutna buzuna mi. Paul mi kal avo hatamu, mi tchen Alona, mi tin abom kamu, mi tcholom akulo.

Wana ni Zla d’a Djivi d’a Luc mi b’irita 4:38

Jesus mi tcholï kur gong nga toka hi Juif-fîd’a, mi kal avo hi Simon. Simon akunomba tat nga d’i kumurut ngola. Azi tchen Jesus ala mi tcholot akulo.

Marik 8:23

Jesus mi vabo ma duka, mi im woi kel bugol azina, mi tuvom ayôna iramu, mi tin abom iramu, mi djobom ala: Ang nga we va zu?

Marik 7:32

A mbamï sama ngel ma nga mi de zlad’a woi tetet tuo na, a tchenem ala mi tin abom kamu.

Wana ni Zla d’a Djivi d’a Luc mi b’irita 7:12

Kid’a a mbaza go avun azinid’a, suma a nde woi ki matna á im tosa; ni gor ma abo asum vam tuna. Asum ni modonod’a. Suma kur azì mámina ablaud’a a nga i ki sed’ed’u.

Marik 6:13

A dik muzuk ma tchona ablaud’a woi kur suma, a vo mbulâ yam suma tugud’eid’a ablaud’a, a sud’uzi mi.

Matiye 8:3

Jesus mi mat abomu, mi domu, mi dum ala: An mina, ar libi mangâ mi yak keyo. Atogo hina zak, libi mama mi yak kei mi.

Sawal la giled’a 107:19

Kur ndak mazid’a azi yi Ma didina, mi sud’uzi woi kur djop vun mazina mi.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

2 Amuleina 5:11

Wani Näman hurum zala, mi ge tam mi iya, nga mi dala: An djib’er ala ma djok vun Alona mi ndeï ini woi avo hatam á mba gevenu, mba mi tchen Ma didina Alo mama, mba mi tin abom ata yan ma mbilâ ba, libi mana mba mi yak keyo.

Sunda hi suma a sunuzinid’a 9:17

Ata yi máma, Ananiyas mi iya. Mi kal avo, mi tin abom kamu, mi dum ala: Wiyena Saul, Salad’a Jesus ma nde tam mbei irang kur lovot ta ang mba ki d’ina, mi sununï ni mamu, kayam irang mal leyo, ang oî ki Muzuk ma bei tchod’a ba na mi.

Sunda hi suma a sunuzinid’a 6:6

A tinizi kä avok suma a sunuzina. Ata yi máma, suma a sunuzina a tchen Alona kaziya, a tin abozi kazi mi.

Jean 11:3

Kayam ndata, b’oziyoma a sun yam Jesus, a dum ala: Salamina, gola! Ma ang le kam heîna, mi nga tugud’eid’a.

Marik 5:24

Jesus mi i ki sed’emu. Ablau suma ngola a nga tit ad’umu, a hebem mi.

Sunda hi suma a sunuzinid’a 8:17

Kid’a Pierre azi ki Jean a tin abozi kazid’a, ata yi máma, a ve Muzuk ma bei tchod’a ba na kuruziya.

Sunda hi suma a sunuzinid’a 9:12

Mi we sana nde tam mbei iram simiyêm ala Ananiyas, mi tin abom kam ala iram mal leyo.