Marik 4:41 - Bible azumeina

⁴¹ Zlad’a vid’iziya, a le mandarâ ngola, a nga de tazi ala: Sa máma ni nge ba, simetna ki mbiyo apod’a pî a ge yazi kä ad’um na ge?

Marik 4:41 Referans Kwoze

Wana ni Zla d’a Djivi d’a Luc mi b’irita 8:25

Mi dazi ala: He gagazi magid’a ni lara ge? A le mandarâ, zlad’a vid’iziya. A nde de tazi ala: Sa máma ni nge ba, mi he vuna mi simetna ki mbiyo apod’a, a ge yazi kä ad’um na ge?

Wana ni mbaktumba hi Job-pa 38:11

Nata yi máma ba, an dum ala: Ang mba i gak tchol ka hî na, ang kal lei kam mbi, abil mang ma ang sululum kad’engina mi kal lei kam mbuo mi.

Matiye 8:27

Wani sum ndazina a le atchap, a dala: Ni sama me ba, simetna ki mbiyo apod’a pî a ge yazi kä ad’um na ge?

Sawal la giled’a 89:7

Ma didina, ma kur akulod’a ma mi nga tam ki sed’engâ nga d’i, alo ma hle tam d’igi ang na na nga d’uo mi.

1 Samuel 12:24

Agi djib’eregi yam ad’enga hi Ma didinid’a, agi lum sunda ki gagazid’a ki hurugi pet, agi djib’eregi yam ahle suma nglo suma atchapma pet suma mam lazi kagina mi.

Vama ndum mbeina 15:4

Salamina, ni nge ba, mba mi lang mandarang nguo ge? Ni nge ba, mba mi suburung nguo ge? Kayam ang tu ni Ma bei tchod’a ba na. Andjaf suma pet a mba mba, a mba grif kä avorong á kud’urongû, kayam sun mang nga d’ingêra, ti nde wa woi abua.

Marik 5:33

Wani atcha ndata ti le mandarâ, nga d’i zlak mi, kayam ti we vama le atatna. Ti mba, ti ge tat kä avoromu, ti dum ahlena pet suma a latna.

Hebre-na 12:28

Kayam ndata, ei suma kalei kur leu d’a bei gigeta na d’a, ar ei lei mersi mAlona kayam ndata. Ar ei kud’orei Alona ki kud’or ra lum tam djivid’id’a ki mandarâ ki zlaka,

Wana ni Zla d’a Djivi d’a Luc mi b’irita 4:36

Azi pet a le atchap, a de tazi ala: Zla ndata ni zla d’a nana na ge? Kayam mi he vuna mi muzuk ma tchona kad’enga, mi ndabua.

Matiye 14:32

Kid’a Jesus azi ki Pierre a djak kur alumbid’a, babarâ tchol b’et.

Malatchi 2:5

Vun ma djin ma an djinim ki sed’ezina narid’a ki halasa; an hazizi kayam a lan ki mandaranu, a ringîn mandaran a zlak avoron mi.

Marik 7:37

Suma pet a le atchap ngola, a dala: Ahle suma nga mi lazina pet a djivid’a, nga mi mal suma ngela humazi woyo, suma ndumîd’a pî, a mbut de zlad’a mi.

Marik 4:40

Jesus mi dazi ala: Ni kayam me ba, agi lagi mandarâ hina ge? Ni kayam me ba, agi hagi gagazid’a d’uo ge?

Marik 5:1

Jesus azi ki mam suma hata a mbaza abo apo d’a Galile-d’a woi hî kur ambas sa Gerazen-nda.