Marik 3:35 - Bible azumeina

³⁵ Kayam sama lara pî ma nga mi le minda hAlonid’ina, mam mi wiyena, ni wiyenda, nasun mi.

Marik 3:35 Referans Kwoze

1 Jean 2:17

Duniyad’a nga d’i kal lei ki d’od’ok mata pet, wani sama nga mi le minda hAlonid’ina mba mi kak didin.

Matiye 7:21

Jesus mi had’azi kua ala: Suma pet suma a nga yan ala Salamina, Salamina na, a mba kal kur leu d’a akulod’a pet ti, wani ni suma a nga le minda hAbun ma sä akulona hol.

Jean 7:17

Le sana mi min á le minda hAlonid’a ni, mba mi wala hat man ndata ti tcholï nata Alona, d’oze, an de ni zla manda ki yanda.

Jacques 1:25

Le sama gol gat ta ndak memet ta pad’ei woi kur magombid’a, le nga mi le sunda kad’u, le mi ni sama humut nga mi marat tuo wani mi ni sama le sunda katna ni, sa máma, Alona mba mi b’e vunam kam kur sun mam mba led’a.

Efes-sâ 6:6

Ar agi lagi ni ir suma a lazi tazi djivid’a go d’i, wani agi lagi minda hAlonid’a ki hurugi pet d’igi magumeina hi Christ-sâ na mi.

Hebre-na 10:36

Kayam ndata, ar agi vagi tagi ad’enga á le minda hAlonid’a, kayam agi vagi vama mam hlagi vunam kama.

1 Pierre 4:2

Wani ata yima agi nga kaka yam andagad’a tua na, ar agi lagi minda hi sa magi ma adjeunid’a d’i, wani ar agi lagi ni minda hAlonid’a.