Marik 2:7 - Bible azumeina

⁷ Sa máma mi de ni zla me neî? Nga mi las Alona gi? Ni nge ba, mi ndak á vat hurum mbei yam tchod’a ge? NAlona tu d’uo zu?

Marik 2:7 Referans Kwoze

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Wana ni Zla d’a Djivi d’a Luc mi b’irita 5:21

Suma hat gata azi ki Fariziyêna a nde djib’er kuruzi ala: Ni nge ba, mi las Alona na ge? Sama ndak á vat hurum mbei yam tchod’a ni nge? NAlona tu d’uo zu?

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Daniel 9:9

Ang Salad’a Alo mamina, we hohoud’a ki hur ma vata a tcholï natangû, kayam ami song vunangû.

Wana ni Zla d’a Djivi d’a Luc mi b’irita 7:49

Suma a nga kaka kä ki sed’em avun tenina, a nde de kuruzi ala: Sa máma ni nge ba, mi vat hurum mbei yam tchod’a ge?

Sawal la giled’a 130:4

Wani angî ma vat hurung ngei yam sumina. Ni kayam ndata ba, ami nga hungû.

Wana ni mbaktumba hi Job-pa 14:4

Ni nge ba, mba mi ndeï vama yed’etna woi ata vama ndjendjed’a ge? Sa tu pî mi ndak á le hina d’i!

Jean 10:33

Juif-fâ a hulong dum ala: Ni yam sun nda djivid’a ba, ami min durung kahinad’a d’i, wani kayamba ang nga las Alonid’a. Ang tang ma ala ni sana na, ang mbut tang ala angî Alona.

Marik 14:64

Agi humugi las sa mi las Alonid’a. Agi djib’er magid’a nana? Azi pet a kam sariyad’a kam a dala: Mi ndak á tchid’a.

Matiye 26:65

Ata yi máma, ma ngol ma ngat buzuna mi haû baru mamba woyo, mi dala: Mi las Alona, ei dok halei suma glangâsâ d’uo d’a. Agi humugi las sa mi las Alonid’a.

Matiye 9:3

Wani suma hat gat suma hiuna a de kuruzi ala: Sa máma nga mi las Alona gi?

Jean 10:36

ni nana ba, agi nga dagi yam an ma Abun mi manan mi sununï kur duniyad’ina ala: Ang nga las Alona, ni kayamba an dala: An nAlona Goroma d’a zu?

Marik 2:6

Suma hat gata kap mbà a nga kaka kua, a nga djib’er kuruzi ala:

Marik 2:8

Ata yi máma na wat, Jesus mi we kurum krovo tcha ala azi djib’er kuruzi ni hina, mi dazi ala: Ni kayam me ba, agi nga djib’eregi yam ahle ndazina hina ge?