Marik 2:5 - Bible azumeina

⁵ Kid’a Jesus mi we he gagazi mazid’id’a, mi de mi ma gugutud’a ala: Gorona, an vat wa hurun ndei yam tcho manga da’.

Marik 2:5 Referans Kwoze

Matiye 9:2

A mbamï sama gugutud’a, mi nga burâ kä kur zlatna. Ata yima Jesus mi we he gagazi mazid’ina, mi de mi sama gugutud’a ala: Gorona, ang ve tangû! An vat wa hurun ndei yam tcho manga da’.

Jacques 5:15

Tchen nda a tchenet ki he gagazid’id’a mba d’i sut sama tugud’ei máma, Salad’a mba mi tcholom akulo mi. Le mi le tchod’a ni, Alona mba mi vat hurum mbei kamu.

Matiye 9:22

Wani Jesus mi mbut iram mi golod’u, mi dat ala: Goronda, ndak ve tagu, he gagazi maka sud’uk wa da’. Ata yi máma, buzu mat ma djang mi ka mi.

Efes-sâ 2:8

Alona mi sud’ugi ni yam suma mamba ata lovot ta he gagazid’a. Wani nata sun magi d’a led’a d’i, kayam sana mi subur ki tam mbi. Wani ni he d’a hawad’a hAlonid’a.

Sunda hi suma a sunuzinid’a 5:31

Alona mi hlum sä akulo ata bigam mba ndjufa á kak Amul ma sut suma, kayam mi he Israel-lâ lovota á mbut huruzi yam tcho mazid’a, kayam Alona mi vat hurum mbei yam tcho mazid’a mi.

Jean 5:14

Bugol ahle ndazina, Jesus mi fum kur gong nga kud’ora hAlonid’a, mi dum ala: Gola! Ang sut wa da’. Ang dok le tcho d’uo d’a, kayam vama tcho ma kal ma wana mi lang nguo d’a.

Wana ni Zla d’a Djivi d’a Luc mi b’irita 5:20

Kid’a mi we he gagazi mazid’id’a, Jesus mi de mi sa máma ala: Bäna, an vat wa hurun ndei yam tcho manga da’.

Kolos-sâ 3:13

Agi vagi tagi yam tagiya, agi vad’agi hurugi woi yam tagi mi. Le sa adigagi mi nga ki zlad’a ki ndrama ni, ar a vat huruzi woi yam tazi d’igi Salad’a hurum vat tei kagi na mi.

2 Korente-na 2:10

Le agi vad’agi hurugi yam sa ni, an vat hurun ndei kam mi. Le an vat hurun ndei yam sa ni, an vat hurun ndei kam ni yam agi avok Christ,

1 Korente-na 11:30

Ni kayam zla ndata ba, suma ablaud’a adigagi a nga tugud’eid’a, suma homozed’a a nga, suma dingâ ablaud’a a bo wa mi.

Sunda hi suma a sunuzinid’a 14:9

Mi hum wal la tchid’a hi Paul-la. Ata yi máma, Paul mi so iram kamu, mi wum ala mi he gagazid’a á fe lafiya d’a.

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Jean 2:25

Mi min ala sana dum yam sa d’i, kayam mam tamba mi we vama nga hur sanina.

Wana ni Zla d’a Djivi d’a Luc mi b’irita 8:48

Jesus mi dat ala: Goronda, he gagazi maka sud’uk wa da’; ndak i lafiya.

Marik 5:34

Wani Jesus mi dat ala: Goronda, he gagazi maka sud’uk wa da’. Ndak i lafiya, ndak wal lei ki ndak maka da mi.

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Isai 38:17

Gola! Hur man ma b’laka mi mbut ni furî manda. Ang tang lan djivid’a, ang prud’un ndei avun matna, kayam ang tchuk tcho manda sä woi blogong dei.

Sawal la giled’a 103:3

Mam mi ma vat hurum mbei yam tcho mandina; mam mi ma sud’un ndei kur tugud’ei mandina.

Ad’u Tinda 22:12

Malaikana mi hulong dum kua ala: Ang tin abong ata gorongâ d’i, ang lum va d’uo mi. Ki tchetchemba, an wala ang nga le mandara Alona, kayam ang d’elen nga gorong ma tu gid’engâ bei hed’a d’i.

Matiye 9:5

Vama afefeta kal á ded’a ni me ge? An vat wa hurun ndei yam tcho manga da’ d’oze: Ang tchol akulo, ang tid’a d’a zu?

Marik 2:6

Suma hat gata kap mbà a nga kaka kua, a nga djib’er kuruzi ala: