Marik 15:19 - Bible azumeina

¹⁹ Azi nde tumum yam ki totogod’a, a tuvom ayôna iramu, a grif kä avoromu, a kud’urom mi.

Marik 15:19 Referans Kwoze

Marik 14:65

Suma hiuna a nde tuvom ayôna iramu, a dugum iramu, a tom kaboziya, a dum ala: Sama tongâ ni nge ge? Azungeîna a vum ki tod’a mi.

Hebre-na 13:13

Kayam ndata, ei i gevem bugol azina, ei vei tei kur lasa d’igi mam na mi.

Filip-ma 2:10

Yam simina hi Jesus-na, guguf ma lara ge pet ma hi suma sä akulona ki ma hi suma kä yam andagad’ina ki ma hi suma kä ad’u andagad’ina, mi grif kä avoromu,

Romê-na 11:4

Wani Alona mi hulong dum nana ge? Mi dala: An ngom nga suma kan dudubu kid’iziya suma a grif nga kä avok alo ma a yum ala Bäl-lâ á kud’urom mbuo na.

Wana ni Zla d’a Djivi d’a Luc mi b’irita 23:36

Azigarâ a nga lazam hina mi, a mba a hum süm ma azleina,

Wana ni Zla d’a Djivi d’a Luc mi b’irita 23:11

Herot azi ki azigar mama a golom d’igi vama hawana na, a lazamu. A tchugum baru d’a ngal wiwilika atamu, a hulongôm mi Pilat.

Wana ni Zla d’a Djivi d’a Luc mi b’irita 22:63

Suma a ve Jesus-na a nga lazamu, a nga tom mi.

Marik 10:34

Sum ndazina a mba lazanu, a mba tuvon ayôna iranu, a mba ton ki blafâ, a mba tchan ndeyo. Wani kur bur ma hindina, an mba ni tchol akulo aduk suma matna.

Marik 9:12

Mi hulong dazi ala: Gagazi, Elie mba mi mba avogo, mba mi min ahlena pet ata yazi ma adjeuna. Wani ni kayam me ba, mbaktumba hAlonid’a ti dala an Gor Sana mba ni fe ndaka ngola ki lasa mi ge?

Mise 5:1

Ang azì ma Betelehem ma Efrat-na, ang ma akid’eid’a aduk azì ma dudubu ma Juda-nina, man ma mba mi te yam Israel-lîna mba mi ndeï ni kurungû, ni ma andjavam tcholï adjeu dedeina.

Isai 52:14

Suma ablaud’a a mba golomu, a mba hat huruzi kamu, kayam iram mbut hohoud’a, ti nga d’igi ir sana na d’uo d’a.

Isai 50:6

An tin huyogon mi suma a tona, an tin agozlon mi suma a ndjud’un duduman ndeina, an ngei nga iran abo ngula d’oze abo ayô ma a tuvondji irana d’uo mi.

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Isai 45:23

An nga ni gun tan ki an tanda. Zla d’a ndavunda ni zla d’a irata. An mba djok vunan ndi. Suma pet a mba tchuk guguvazi kä avoronu, suma pet a mba gun tazi ki simiyên mi.

Sawal la giled’a 69:12

An tchuk dodora atanu, wani an mbut ni va mazi ma lasa.

Wana ni mbaktumba hi Job-pa 13:9

Le mi fegegi ad’ugiya ni, agi mba fagi djivid’a avorom zu? Agi min mbud’um iram d’igi sana mi mbut ir sana na zu?

1 Amuleina 19:18

Wani an mba ni ngom Israel-lâ kan dudubu kid’iziya suma a grif nga kä avok alo ma a yum ala Bäl-lâ á kud’urom mbuo na.

Ad’u Tinda 43:28

Azi hulong dum ala: Sama ngolâ, azong mangâ abumi nga hawa, mi nga ki iram tua. A grif kä andaga avorom kua.

Ad’u Tinda 24:52

Ata yima azongâ hi Abraham-ma mi hum zla ndatina, mi grif kä andaga avok Ma didina.

Matiye 27:30

A tuvom ayôna iramu, a ve heleu ndata, a wad’am ki yamu.

Marik 15:18

A nde gum depa ala: Lafiya, amulâ hi Juif-fîna.

Marik 15:20

Kid’a azi luwum dad’a, a fogom baru d’a hleud’a woi atamu, a tchugum baru mama atamu, a im woi kel á b’alam akulo ata aguna.