Marik 14:64 - Bible azumeina

⁶⁴ Agi humugi las sa mi las Alonid’a. Agi djib’er magid’a nana? Azi pet a kam sariyad’a kam a dala: Mi ndak á tchid’a.

Marik 14:64 Referans Kwoze

Sunda hi suma hi Levi-nid’a 24:16

Sama mi lazan simiyêna, ablau suma a durum kahinad’a, a tchum mbeyo. Le nangeina d’oze gor vuta pî, a tchum mbeyo, kayamba mi lazan an Alona simiyênda.

Jean 19:7

Juif-fâ a hulong dum ala: Ami nga ki gata. Kur gat ndata djivid’a mi mid’a, kayam mam mbut tam ala mam mi Alona Goroma.

Jean 5:18

Kayam ndata, Juif-fâ a nga halam ngola á tchum mbei ni kayamba mi b’la’î bur ma sabatnid’a hol li, wani nga mi yi Alona ala Abumu, nga mi mbut tam dedege d’igi Alona na mi.

Wana ni Zla d’a Djivi d’a Luc mi b’irita 22:71

Azi dala: Ei halei ni glangâs ma me d’ei ge? Kayam ei tei humi zla d’a ndavunamba ki humeya.

Gat ta a hat á mbàd’id’a 21:22

Moise mi de kua ala: Le sama le tcho d’a ndak á matnid’a, le agi tchum agi tchugum ziyona kelem agi gabam akulo ata aguna ni,