Marik 14:31 - Bible azumeina

³¹ Wani Pierre mi de zlad’a kad’enga ala: Le nda’î á matna ki sed’eng pî ni, an mba ni tin vunan kang ngi. Suma hata pet a de hina mi.

Marik 14:31 Referans Kwoze

Jean 13:37

Pierre mi dum ala: Salana, ni kayam me ba, an ndak á tit ad’ung ka tchetchem mbuo ge? An min he tan ndei kangû.

Buzuk ka Abud’a 19:8

Israel-lâ ki zla tazi pet a hulong dum ala: Ami mba lami ahlena pet suma Ma didina mi de kazina. Moise mi hulong zla d’a ded’a hi Israel-lîd’a mi Ma didina mi.

Jeremi 17:9

Vama mbut ira d’igi hur sana na na nga d’i. Sana mi ndak á minim mbi, sana mi ndak á wum ad’um mbuo mi.

Jeremi 10:23

Jeremi mi dala: Ma didina, an we sana mi ndak á tit memet ti, mi nga kad’enga á tak tam á tit kur lovot ta djivid’a d’uo mi.

Zla d’a d’ogolâ 29:23

Yam mba ad’enga hi sanid’a nga d’i hulongôm yam kä, wani sama lulumana, a mba hum ngola.

Zla d’a d’ogolâ 18:24

Sama buniyôma ablaud’a heîna pî, dam ndaka mba d’i mba kamu, wani banang ma hurum vang heîna, mi kal wiyengâ.

Zla d’a d’ogolâ 16:18

Yam mba ad’enga ti mba navok b’laka, subur tad’a ti mba navok puka mi.

2 Amuleina 8:13

Wani Hazayel mi dum ala: Salana, an ma ndak va d’uo koko wana, an ndak á lahle suma tchotcho ndazina ni nana ge? Wani Elise mi dum ala: Ma didina mi tagan ala ang mba mbut amul ma Siri-na.

Sawal la giled’a 30:6

Kayam ayî mama nga mi ka’î ndjö, wani djivi mamba nga yam sana ni gak mat mama. Le sana mi tchi andjege ni, yorogo mi le furîd’a.

Matiye 10:33

Wani sama lara ma mi tin vunam kan avok sumina, an mba ni tin vunan kam avok Abun ma sä akulona ala an wum nga d’uo mi.

Marik 14:30

Jesus mi hulong dum ala: Gagazi, an nga ni dangû, kur andjege d’a inid’a, bei ahle’â mi hel hel la mbàd’a tua d’a, ang mba tin vunang kan tata yang hindi ala ang wan nga d’i.

Marik 14:32

Jesus ki mam suma hata a i kur yima simiyêm ala Gesemane-na. Jesus mi de mi mam suma hata ala: Agi kagagi ka hî; an i ni tchen Alona.

Wana ni Zla d’a Djivi d’a Luc mi b’irita 23:23

Wani azi de ki delezi akulo ala: B’alam akulo ata aguna. Siwel mazid’a kal kamu.

1 Amuleina 11:22

Faron mi djobom ala: Ni me kid’agang hatan ka hî ba, ang hulong yam ambas manga ge? Mi hulong dum ala: Va kid’agan nga d’i, wani le ni nana pî, ang aranu.

Marik 10:39

Azi hulong dum ala: Ami ndagamiya. Jesus mi dazi ala: Gagazi, agi mba tchagi ki kop ma kid’eî ir ma an mba ni tchuma, agi mba lagi batem mba ndak ka an mba ni lata mi.