Marik 14:18 - Bible azumeina

¹⁸ Kid’a azi nga avun tenid’a, Jesus mi dazi ala: Gagazi, an nga ni dagiya, sana tu adigagi ni ma nga mi te ki sed’ena, mba mi han abo suma.

Marik 14:18 Referans Kwoze

Sawal la giled’a 41:9

Mi dap wa ata zla d’a tchod’a! Gola! Mi nga ged’a kä! Mi dok tchol akulo d’uo d’a!

Jean 6:70

Jesus mi hulong dazi ala: Ni an ba ni managi dogo yam mbà d’uo zu? Wani ma dingâ tu nga adigagiya ni diable.

Jean 6:47

Gagazi, an nga ni dagiya, sama he gagazid’a kana, mi nga kari d’a didinda.

Jean 13:38

Jesus mi hulong dum ala: Ang min he tang ngei kan ndju? Gagazi, an nga ni dangû, avok ahle’â bei hela, ang mba tin vunang kan yang hindi ala ang wan nga d’i.

Jean 13:21

Kid’a Jesus mi de zla ndata dad’a, hurum hat ngola, mi lazi glangâsâ woi ala: Gagazi, an nga ni dagiya, ma dingâ tu adigagi mba mi han abo suma.

Jean 6:32

Kayam ndata, Jesus mi dazi ala: Gagazi, an nga ni dagiya, ni Moise ba, mi hagi te ma tcholï akulona d’i, wani nAbun ba, mi hagi te ma gagazi ma tcholï akulona.

Jean 6:26

Jesus mi hulong dazi ala: Gagazi, an nga ni dagiya, agi halan ni yam ahle suma simat suma agi wagizina d’i, wani yam te ma agi tum hobogi ki na.

Jean 5:19

Jesus mi hulong dazi ala: Gagazi, an nga ni dagiya, an Alona Goroma ni ndak á le va yam tan ndi, wani an le ni vama an wAbun nga mi luma hol, kayam ahlena pet suma mam nga mi lazina, an Goroma nga ni lazi mi.

Jean 3:11

Gagazi, an nga ni dangû, ami dami ni vama ami wuma, ami lami glangâsâ ni yam vama ami wamizi ki iramina, wani agi nga vagi zla mamid’a d’i.

Jean 3:5

Jesus mi hulong dum ala: Gagazi, an nga ni dangû, le a vut nga sana ki mbina ki Muzu’â hAlonina d’uo ni, mi ndak á kal kur leud’a hAlonid’a d’i.

Jean 3:3

Jesus mi hulong dum ala: Gagazi, an nga ni dangû, le a vut nga sana vut ta awilid’a d’uo ni, mi ndak á we leud’a hAlonid’a d’i.

Jean 1:51

Jesus mi dazi kua ala: Gagazi, an nga ni dagiya, agi mba wagi akulod’a mal leyo, malaikana hAlonina a nga djagï akulo a mba hulongî kä kan an Gor Sana mi.

Wana ni Zla d’a Djivi d’a Luc mi b’irita 11:51

tinï ad’ud’a ata matna hi Abel-lâ dei gak mba ata matna hi Zakari ma azi tchum aduk yima ngal ahle suma ngat buzuna ki yima a tinim iram vam mAlonina. Gagazi, an nga ni dagiya, Alona mba mi ka sariyad’a yam suma kur atchogoi d’a wandina yam matna hi sum ndazina pet.

Wana ni Zla d’a Djivi d’a Luc mi b’irita 4:24

Mi dazi kua ala: Gagazi, ma djok vun Alona, suma a nga hum ngola yam ambazam mbi.

Marik 14:25

Gagazi, an nga ni dagiya, an dok ni tche süm guguzlud’a bugol luo d’a, gak bur ma an mba ni tche ma awilina ki sed’egi sä kur leud’a hAlonid’ina.

Marik 14:9

Gagazi, an nga ni dagiya, ata yima lara ge pet ma suma a mba tchi wal Zla d’a Djivid’a kua yam andagad’a petna, a mba de woi yam vama atcha ndata ti luma á djib’er kad’u.

Marik 10:29

Jesus mi hulong dazi ala: Gagazi, an nga ni dagiya, sama ar aziyam mbei d’oze b’oziyom suma andjuveina d’oze b’oziyom suma aropma d’oze abum mboze asum mboze groma d’oze asinem mbei yam anu, yam Zla d’a Djivid’a mi na,

Marik 10:15

Gagazi, an nga ni dagiya, sama lara pî, le mi ge yam kä yam leud’a hAlonid’a d’igi gogorâ hina d’uo ni, mba mi kal kurut ti.

Marik 9:41

Wani sama lara pî ma hagi mbiyo ma tched’a kur kopma yam simiyêna kayambala agi ni suma hi an Christ-sâ d’a ni, gagazi, an nga ni dagiya, Alona mba mi wuragamu.

Marik 9:1

Jesus mi dazi kua ala: Gagazi, an nga ni dagiya, suma ding suma a nga tchola aduk ka hina a mba bo d’i, gak azi mba wAlona mi mba kad’enga á te leu mamba tua.

Marik 8:12

Jesus muzuk kurum krovo huluf, mi dala: Ni kayam me ba, suma kur atchogoi d’a wandina a nga hal vama simata ge? Gagazi, an nga ni dagiya, a mba le vama simata mi suma kur atchogoi d’a wandina d’i.

Marik 6:11

Ata yima lara pet ma azi vagi nga atazi d’uo a humugi nga d’uo mi na ni, ata yima agi buzugugi woi abuna, agi pogi guguma hur asegina woyo. Gugum máma mba mi arî vama glangâsâ kaziya.

Marik 3:28

Gagazi, an nga ni dagiya, Alona mba mi vat hurum mbei yam tcho d’a pet ta hi sumid’a ki las sa suma a nga lazata pet.

Matiye 26:21

Kid’a a nga avun tenid’a, Jesus mi dazi ala: Gagazi, an nga ni dagiya, sana tu adigagi mba mi han abo suma.

Matiye 6:5

Jesus mi had’azi kua ala: Ata yima agi nga tchenegi Alonina, agi lagi d’igi suma lop ira na d’i, kayam azi min á tchol akulo kur gongîyo mazi suma toka á tchenda, d’oze grak lovota á tchenda, kayam suma a waziya. Gagazi, an nga ni dagiya, a fe wa wurak mazid’a da’.

Matiye 6:2

Kayam ndata, ang le nga he he d’a hawa manga mi suma houd’a ni, ar ang tchi wala kat d’igi suma lop ira a nga le kur gongîyo mazi suma toka ki grak lovota na d’i. A le hina kayam suma a suburuziya. Gagazi, an nga ni dagiya, a fe wa wurak mazid’a da’.

Matiye 5:18

Gagazi, an nga ni dagiya, akulod’a kandagad’a a mba kal leyo, wani b’ir ra klera d’oze ta ndeb’eka hi gatid’a ti mba d’i kal lei d’i, gak ahle ndazina pet a ndak tua.

Jean 21:18

Gagazi, an nga ni dangû, kid’a ang ki gogorong tua d’a, ang djin d’i’â furung katangû, ang tit ata yima hurung mina. Wani fata ang mbut wa mamarâ ni, ang mba mat abongû, sama ding mba djining d’i’â furungû, mba mi ing ata yima ang hurung minim mbuo na.

Matiye 6:16

Jesus mi had’azi kua ala: Ata yima agi d’elegi tagi bei te tenina, agi mbud’ugi tagi hohoud’a d’igi suma lop ira a nga le hina d’i. Kayam azi mbut tazi hohoud’a kayam suma a wazi ala azi nga d’el tazi bei te tena. Gagazi, an nga ni dagiya, a fe wa wurak mazid’a da’.

Marik 14:17

Kid’a afata ti nik dad’a, Jesus mi mba ki suma hat suma dogo yam mbàna.

Marik 14:19

Mam suma hata a djib’er ngola, a nde djobom tutu ala: Ni an ndju?

Wana ni Zla d’a Djivi d’a Luc mi b’irita 22:21

Wani gologiya, sama mi han abo sumina mi nga ki sed’en avun tena.

Jean 13:18

An de ni kagi pet ti, an we suma an manazina. Ni kayam zla d’a a b’irit kur mbaktumba hAlonid’a ala: Mam ma nga mi te tena ki sed’ena, mi mbut iram mi kak djangûna ki sed’enu d’a ndak memet.

Jean 13:22

Suma hata a nde gol ir taziya, kayam me a we nga sama mam nga mi de kama d’i.