Marik 12:29 - Bible azumeina

²⁹ Jesus mi hulong dum ala: Ma kal ndramina ba wana: Agi Israel-lâ, agi humugiya, Ma didina Alo meina ni Ma didina tu go.

Marik 12:29 Referans Kwoze

Gat ta a hat á mbàd’id’a 6:4

Agi Israel-lâ, agi humugiya! Ma didina Alo meina ni Ma didina tu.

Wana ni Zla d’a Djivi d’a Luc mi b’irita 10:27

Mi hulong dum ala: Ang le yam Ma didina Alo mangâ ki hurung pet ki tang pet kad’engêng pet ki djib’er manga pet mi. Ang le yam ndrangâ d’igi ang tanga na mi.

Galat-na 3:20

Ma aduk suma kAlonina nga ni yam sa tu d’i. Wani Alona ni tu.

Romê-na 3:30

Kayam Alona ni tu, ni ma nga mi mbut Juif-fâ d’ingêr yam he gagazi mazid’ina, nga mi mbut andjaf suma dingâ d’ingêr yam he gagazi mazid’a mi.

Jude 1:25

Mam tu nAlo ma sud’i yam Saleina Jesus Christ-sâ. Subura ki ngola kad’enga ki yam mba ted’a katchogoi d’a kala pet ki d’a tchetchemba ni mamba gak didin. Amin!

1 Korente-na 8:4

Hina, yam ted’a hahle suma a ngad’azi buzuna mi fileinina, ei wei ala: Fileina ni vama gagazi kur duniyad’a ka hî d’i, wani Alona ni tu go.

Jacques 2:19

Ang he gagazid’a ala Alona ni tu nata yad’u. Muzuk ma tchona pî mi he gagazid’a hina mi, nga mi zlak ki mandarâ mi.

1 Timote 2:5

Kayam Alona ni tu, Ma aduk suma kAlonina ni tu mi, ni sana, nala, Jesus Christ.

Gat ta a hat á mbàd’id’a 30:6

Ma didina mba mi mbud’ugi agi kandjavagi hurugi yed’et, kayambala agi lagi kam ki hurugi ma tuna ki tagi pet mi d’a. Hina wani, agi mba kagagi ki iragi avoromu.

1 Timote 1:5

Vun ma he máma djivi mamba ni o d’a ndeï kur hur ma djivina ki djib’er ra krovo d’a djivid’a ki he gagazi d’a irata.

Matiye 23:9

Ar agi yagi sama yam andagad’a ka hina ala Abugiya d’i, kayam Abugi ni tu, ni Ma sä akulona.

Matiye 10:37

Sama le yam abum mboze asum kalan ana, mi ndak nga sa mana d’i. Sama le yam goroma d’oze goromba kalan ana, mi ndak nga sa mana d’uo mi.

Gat ta a hat á mbàd’id’a 10:12

Moise mi de kua ala: Israel-lâ, ki tchetchemba, Ma didina Alo magina mi min ni me atagi ge? Mi min ala agi lum mandaramu, agi tid’igi kur lovot mamba, agi lum sunda, agi lagi kam ki hurugi pet ki tagi pet mi.

Zla d’a d’ogolâ 23:26

Gorona, ang han hurungû, ang hle ni balum asen mi.

Sawal la giled’a 86:10

Angî Ma ngol ma kal papana, ang le sun nda atchapa, ang tu nAlona.