Marik 12:17 - Bible azumeina

¹⁷ Mi dazi ala: Agi hagi ahle sumala ni hi Sesar-ru na mi Sesar, agi hagi ahle sumala ni hAlona na mAlona mi. A le atchap kam heî.

Marik 12:17 Referans Kwoze

Romê-na 13:7

Ar agi hagi mi nge nge pî va mama. Agi hagi tara mi sama tara, agi hagi dalalana mi sama tar dalalana, agi gagi yagi kä avok sama ndak agi gagi yagi kä avoroma, agi hugi sama ndak á hud’ina mi.

1 Pierre 2:17

Agi hugi suma pet, agi lagi yam b’oziyogi suma a he gagazid’ina, agi lagi mandar Alona, agi gagi yagi kä avok amul ma ngolâ mi.

Romê-na 6:13

Ar agi hagi ir hliu tagi mi tchod’a d’igi ahle suma dur ayî suma d’ingêr ruo na na d’i. Wani ar agi hagi tagi mAlona d’igi suma a tchol akulo aduk suma matna suma mbut arid’ina na. Ar agi hagi ir hliu tagi pet mAlona d’igi ahle suma dur ayî suma d’ingêrâ na.

Zla d’a d’ogolâ 24:21

Gorona, ang le mandara Ma didina kamulâ. Ar ang zlap tang ki suma a hal huneîd’a heîna d’i.

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Matiye 22:46

Adigazi sama ndak á hulongôm zla d’a ded’a nga d’i. Bugola, sama ve tam á djobom zlad’ina nga d’uo mi.

Matiye 22:22

Kid’a a hum zla ndatid’a, a le atchap, a aram a iya.

Malatchi 1:6

Ma didin ma ad’engêm kal petna, mi de mi suma ngat buzuna ala: Gorâ nga mi hu abumu, azongâ nga mi hu salama mi. Wani le an nabugiya ni, hu manda nara mi ge? Le an ni Salagina ni, ge yam mba kä avoronda nga ni lara? Agi nga lazan simiyênu, wani agi nga dagi ala: Ami nga lazang simiyêngî ki me ge?

Marik 12:30

Ang le yam Ma didina Alo mangâ ki hurung pet ki tang pet ki djib’er manga pet kad’engêng pet mi.

Matiye 22:33

Ata yima ablau suma a hum zla mambina, a le atchap yam hat mamba.

Zla d’a d’ogolâ 23:26

Gorona, ang han hurungû, ang hle ni balum asen mi.

Matiye 8:10

Kid’a Jesus mi hum zla ndatid’a, mi le atchap, mi de mi suma a nga tit ad’uma ala: Gagazi, an nga ni dagiya, aduk Israel-lâ pet pî, an fe nga he gagazi d’a ngol la hina d’a d’i.

Matiye 22:21

A hulong dum ala: Ni hi Sesar-ra. Mi dazi ala: Agi hagi ahle sumala ni hi Sesar-ru na mi Sesar, agi hagi ahle sumala ni hAlona na mAlona mi.

Marik 12:16

A mbamziya. Jesus mi djobozi ala: Angusa ki b’ir ra wanda ni hi nge ge? A hulong dum ala: Ni hi Sesar-ra.

Wana ni Zla d’a Djivi d’a Luc mi b’irita 20:25

Mi dazi ala: Agi hagi ahle sumala ni hi Sesar-ru na mi Sesar, agi hagi ahle sumala ni hAlona na mAlona mi.