Marik 12:1 - Bible azumeina

¹ Jesus mi nde dazi zlad’a ki d’ogolâ ala: Sana mi pe guguzlud’a kur asinemu, mi ge kangâna kamu, mi djugot zula yam ahinad’a á miret guguzlu mamba, mi min gong nga fiyak ka ndjola adugu, mi tchuk suma sunda kur á fe mbiyo mazina kua mi, mi ge tam mi i yam andaga d’a dinga.

Marik 12:1 Referans Kwoze

Marik 13:34

Bur máma mba mi ka’î d’igi sama mi i akoid’a yam andaga d’a dinga na. Mi ar aziyam abo azungeî mama á gola, mi he nge nge pî sun mamba á led’a, mi gat sama ngom vun azina ala mi kak ki ndjola.

Marik 4:2

Mi had’azi ahlena ngola ki d’ogolâ. Kur hat mamba mi dazi ala:

Matiye 25:14

Jesus mi had’azi kua ala: Leu d’a akulod’a mba d’i hle tat ni d’igi sama mi tchol á i yam andaga d’a dinga, mi yi azungeî mama, mi hazi bege mamba abozi na na.

Sunda hi suma a sunuzinid’a 7:38

Ni mam ma nga tchola kur tok ka hur fulîd’a ki malaika ma mi dum zlad’a yam ahina d’a Sinai-d’a kabuyoi ngolona. Ni mam ma mi ve zla d’a arid’a hAlonid’a, mi heizina mi.

Wana ni Zla d’a Djivi d’a Luc mi b’irita 19:12

Kayam ndata, mi dala: Sana tu nad’u andjaf ma amula. Mi i yam andaga d’a deid’a á mbut amul ma ngolâ yam tamu, bugola, mi hulongîya.

Wana ni Zla d’a Djivi d’a Luc mi b’irita 15:13

Bugol burâ tcha, ma gorâ mi gus ahligiyem mbei pet, mi i yam andaga d’a deid’a. Mi b’lak bege mamba pet sä kua ata tcho d’a led’a.

Wana ni Zla d’a Djivi d’a Luc mi b’irita 8:10

Mi dazi ala: Alona mi hagi ned’a á wäd’u zla d’a mudurid’a yam leud’a hAlonid’a, wani yam suma dingâ, an dazizi ni ki d’ogolâ, á gola azi gola, wani azi nga we d’i, á humba azi huma, wani azi nga humut ad’ut ti.

Matiye 21:28

Jesus mi djop suma nglona ala: Agi djib’eregi nana? Sana mi nga ki grona mbà. Mi i ata ma avo’â, mi dum ala: Gorona, ang i le sunda kur asinena ini.

Jeremi 2:21

An pagi ni d’igi guguzlu d’a djivid’a na d’igi agu ma djivi ma kal teglesâ na. Ni nana ba, agi mbud’ugi tagi ndjendjed’a avoron d’igi guguzlu d’a abagei hur fulîd’a na ge?

Isai 7:23

Kur bur máma asine ma lara ma a mba fe abu guguzlud’a kua dubu ma guzum ndak ir bege d’a hapa dubuna, mba mi arî aduk kekerezeuna kaweid’a.

Wana ni Zla d’a Djivi d’a Luc mi b’irita 22:9

Azi djobom ala: Ang min ala ami minimizi ni lara ge?

Matiye 13:3

Mi dazi zlad’a ngola ki d’ogolâ teteng ala: Gola! Sama yak andjafâ mi nde wa abua á yaka.

Matiye 21:33

Jesus mi dazi kua ala: Agi humugi d’ogol ma dingâ. Sana nga, ni samazina. Mi pe guguzlud’a kur asinemu, mi ge kangâna kamu, mi djugot zula yam ahinad’a á miret guguzlu mamba, mi min gong nga fiyak ka ndjola adugu, mi tchuk suma sunda kur á fe mbiyo mazina kua mi. Mi ge tam mi i yam andaga d’a dinga.

Matiye 21:34

Kid’a yima duta ndaka, mi sun azungeî mama gen suma sun ndazina, kayam a vumï vud’a guguzlud’a hasinenid’a.

Marik 3:23

Jesus mi yazi gevemu, mi dazi zlad’a ki d’ogolâ ala: Ni nana ba, Seitan mi ndak á dik ndram Seitan woi ge?

Marik 11:33

Azi hulong de mi Jesus ala: Ami wami nga d’i. Jesus mi dazi ala: An nga ni dagi yam ad’eng nga an nga ni lahle ndazina ki sed’eta d’uo mi.