Marik 10:35 - Bible azumeina

³⁵ Jacques azi ki Jean Zebede groma, a hut go gen Jesus, a dum ala: Ma hat suma, ami minimi ala ang hami vama ami tcheneng kama.

Marik 10:35 Referans Kwoze

Marik 14:33

Mi yo Pierre azi ki Jacques ki Jean ki sed’emu, vunadigam mbi pat fek, tam mbi nde lum a’alî ngola.

Marik 5:37

Mi ar nga sama ding mi i ki sed’em mbi, wani ni Pierre azi ki Jacques ki wiyema Jean hol.

1 Amuleina 2:20

Batseba ti dum ala: An min dang vun sunda nde; ar ang gan vunan ndei d’i. Amulâ mi dat ala: Asunu, ndak de vama ndak minima; an nga ni arak ki.

1 Amuleina 2:16

Ki tchetchemba, an min djobok va tu; ndak aran ndi. Ti hulong dum ala: Ang de!

Marik 9:2

Bugol kur bur ma karagayana, Jesus mi yo Pierre azi ki Jacques ki Jean, mi i ki sed’ezi akulo yam ahina d’a fiyak ka ked’iwurenga woi vaziya. Tam mbi mbut vat zenen avoroziya.

Matiye 4:21

Kid’a Jesus mi kal avok hina nded’a, mi we gro asud’a dingâ mbà, Jacques azi ki wiyema Jean Zebede groma. Azi nga kur alumba kabuzi Zebede, a nga min ir abei mazina. Jesus mi yazi mi.

Marik 10:36

Mi dazi ala: Agi min an hagi ni me ge?