Marik 10:11 - Bible azumeina

¹¹ Mi dazi ala: Sama lara ma mi dik amamba woi mi i vatcha d’a dingina, mi le ni mizeuna, mi ka’î djangûna kamam mba avoka.

Marik 10:11 Referans Kwoze

Matiye 19:9

An nga ni dagiya, le sana mi dik amamba woi ni yam zla d’a mizeuna d’uo mi ve d’a dinga ni, mi le ni mizeuna.

Romê-na 7:3

Kayam ndata, le ti ve mandjuf ma dingâ kid’a ndjuvut nga karid’a tua d’a ni, a mba yat ala atcha d’a mizeuna. Wani le ndjuvut mi mid’a ni, ti but wa woi kur gat ndata. Le d’i ve mandjuf ma dingâ pî, a mba yat ala atcha d’a mizeuna d’uo d’a.

Wana ni Zla d’a Djivi d’a Luc mi b’irita 16:18

Sama lara ma mi dik amamba woi mi vatcha d’a dingina, mi le ni mizeuna. Sama vatcha d’a ndjuvut mi digit teid’a, mi le ni mizeuna mi.

1 Korente-na 7:4

Kayam atchad’a nga kad’enga yam hliu tat ti; hliwit ni hi ndjuvutna. Mandjufâ nga kad’enga yam hliu tam mbuo mi; hliwimî hamambina mi.

Hebre-na 13:4

Ar tela ti ka’î vama hud’a avok suma pet. Ar atchad’a ki ndjuvut a ka’î suma d’engzengâ aduk taziya, kayam Alona mba mi ka sariyad’a yam suma e’eûd’a ki suma mizeuna.

Marik 10:10

Ata yima azi mbaza avona, suma hata a djobom kua yam zla ndata.

Gat ta a hat á mbàd’id’a 24:2

Le ti nde woi avo hatam da ni, ti ndak á ve mandjuf ma dingâ.