Marik 1:40 - Bible azumeina

⁴⁰ Sama libina mi mba gen Jesus, mi grif kä avoromu, mi tchenem ki labiyad’a, mi dum ala: Le ang mina ni, ang ndak á yagan ndeyo.

Marik 1:40 Referans Kwoze

Matiye 17:14

Kid’a Jesus azi a mba gen ablau sumid’a, sana mi mba gevem mi grif kä avoromu,

2 Samuel 3:29

Ar buzuwam mi hulong yam Jowap azi ki sum mama pet, ar suma avo hi Jowap-ma tugud’ei d’a djang buzuna laziya, d’oze libina kaziya, suma dingâ a djin aguna, suma dingâ a tchazi ki mbigeu d’a fiyaka, suma dingâ a fe tena d’uo mi.

Marik 10:17

Kid’a Jesus mi ge tam tita kur lovotid’a, sana mi ringî gevemu, mi grif kä avoromu, mi djobom ala: Ma hat ma djivina, an le ni nana ba, ni fe ari d’a didinda ge?

Sunda hi suma a sunuzinid’a 7:60

Ata yi máma, mi grif kä, mi er ad’um akulo, mi dala: Salad’a, ang ndum tcho ndata kazi d’i. Kid’a mi de zla ndata dad’a, mi mid’a. Saul mi ndjak vunam ki sed’ezi yam tchid’a hi Etienne-nda mi.

Wana ni Zla d’a Djivi d’a Luc mi b’irita 22:41

Mi wal lei ki sed’ezi dubung d’igi sana mi gahinad’a na, mi grif kä, mi tchen Alona.

Matiye 11:5

Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma hohoud’a mi.

2 Amuleina 15:5

Ma didina mi tum Azariya ki libina. Mi kak kur azì ma dingâ woi vam gak mat mama. Goroma Jotam mi kak kur azì ma amula, nga mi te yam suma kur ambasina.

2 Amuleina 7:3

Wani suma libina fid’i a nga kaka woi abu bugol azina go ki vun agrek ma ngolâ. A de tazi ala: Ni kayam me ba, ei kagei ka hî á djubi mad’ei ge?

Ad’u Tinda 18:14

Na ni vama hle Ma didina abod’ina nga zu? An hulongî avo hatang dama hina dedege wani, Sara nga ki gorâ abod’u.

Efes-sâ 3:14

Ni kayam ndata ba, an tchuk guguvan kä avok Abui

2 Sunda Hamuleinid’a 6:13

Avok bur máma, Salomon mi min yima tchola ki kawei ma hleuna, mi tinim krovo kur gulumuna. Fiyagamî metred’a mbà ki nusa, bubuwamî metred’a mbà ki nusa, fiyagam mba akulod’a ni metred’a tu ki nusa mi. Mi tchol akulo kamu, mi grif kä avok ablaud’a hi Israel-lîd’a pet, mi yo abom akulo mi tchen Alona ala:

Marik 1:41

Jesus hurum mi hat kamu, mi mat abomu, mi domu, mi dum ala: An mina, ar libi mangâ mi yak keyo.