Marik 1:34 - Bible azumeina

³⁴ Mi sut ablau suma kur andjaf tugud’ei mazi d’a teteng nga nga d’i lazi ndakid’a, mi dik muzuk ma tchona woi ablaud’a kur suma mi. Mi ar nga muzuk ma teteng ma tchona a de zlad’a d’i, kayam me mi wum tetet.

Marik 1:34 Referans Kwoze

Wana ni Zla d’a Djivi d’a Luc mi b’irita 4:41

Muzuk ma tchona ablaud’a a buzuk kei kur suma, a er ad’uzi akulo ala: Angî Alona Goroma! Wani Jesus ngoboziya, mi arazi nga lovota á de zlad’a d’i, kayam azi wum ala mam mi Mesi.

Marik 3:12

Wani Jesus mi gad’am ad’enga ala ar mi dum zlam mbei d’i.

Matiye 4:23

Jesus nga mi tit yam andaga d’a Galile-d’a pet, nga mi hat suma kur gongîyo mazi suma toka, nga mi tchi wal Zla d’a Djivi d’a yam leud’a hAlonid’a, nga mi sut suma kur tugud’ei mazid’a ki suma homozed’a mi.

Marik 1:25

Jesus mi ngobom ala: Ang ba! Ang nde woi kurumu.

Matiye 4:24

Zlam nde yina kur ambas sa Siri-d’a pet. A nga mbam suma a nga kandjaf tugud’ei d’a teteng nga nga d’i lazi ndakid’a, a nga mbam suma a nga ki muzuk ma tchona kuruzina, suma pipina ki suma gugutud’a mi. Mi sud’uzi pet mi.