Marik 1:11 - Bible azumeina

¹¹ Ata yi máma dela ti tcholï akulo ti dala: Angî Goron ma an hurun vang heîna; tan ndi lan djivid’a heî kangû.

Marik 1:11 Referans Kwoze

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Marik 9:7

D’ugula ti mba, ti kulubuzi kanguzad’u, dela ti tcholï kur d’ugula, ti dala: Wana ni Goron ma an hurun vum heîna; agi humugiziya.

Matiye 3:17

Dela ti tcholï akulo, ti dala: Wana ni Goron ma an hurun vum heîna, ni ma tan ndi lan djivid’a heî kama.

Sawal la giled’a 2:7

An min tak gat ta Ma didina mi tinita woi abua. Mi dan ala: Angî gorona! An vud’ung wa ini.

Kolos-sâ 1:13

Ni Ma pad’ei woi kur leu d’a nduvunda hi Seitan-ndina, mi tini kur leud’a hi Gorom ma mam le kam heînid’a.

Romê-na 1:4

ni ma Muzuk ma bei tchod’a ba na mi de woi kam kad’enga ala mam mi Alona Goroma ata yima mi tcholom akulo aduk suma matnina, ni Jesus Christ Saleina.

Jean 3:16

Kayam Alona mi le od’a yam suma kur duniyad’a heî, gak mi he Gorom ma tu gid’engâ kaziya, kayam sama lara pî ma he gagazid’a kama, mba mi ba woi d’i, wani mi nga kari d’a didinda.

Jean 5:37

Abun ma sununïna, mi le wa glangâsâ kanu. Agi humum nga delem yagi tu d’i, agi wum nga iram mbuo mi.

Jean 1:34

Jean mi dala: An we, an nga ni le glangâsâ kam ala: Mam mi Alona Goroma.

Wana ni Zla d’a Djivi d’a Luc mi b’irita 9:35

Dela ti tcholï kur d’ugula, ti dala: Wana ni Goron ma an manama; agi humugiziya.

Matiye 17:5

Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.

Jean 6:69

Ami hami gagazid’a, ami wami ala angî Ma dingêr ma tcholï gen Alonina.

Matiye 12:18

Gola! Azong man ma an manam ma an le kam heîna, ni ma tan ndi lan djivid’a heî kama, an mba ni tin Muzuk mana kamu. Mam mba mi tchi wal yam sariya manda mandjaf suma dingâ,

Marik 1:10

Kid’a Jesus nga mi tup pei akulo aduk mbinid’a, atogo hina zak mi we akulod’a ti mal leyo, Muzu’â hAlonina mi surop kam kä d’igi gugud’a na.

Wana ni Zla d’a Djivi d’a Luc mi b’irita 3:22

Muzuk ma bei tchod’a ba na mi surop kamu, mi hle tam d’igi gugud’a na. Dela ti tcholï akulo, ti dala: Angî Goron ma an hurun vang heîna; tan ndi lan djivid’a heî kangû.