Biblia Todo Logo
Bib sou entènèt

- Piblisite -




Malatchi 3:7 - Bible azumeina

7 Agi d’ezegi woi yam gat manda, agi ngomot nga d’uo d’igi abuyogi ngolo a ladjeu dei na mi. Le agi hulongôgi gevenu ni, an Ma didin ma ad’engên kal petna mba ni hulongî gevegiya. Agi nga dagi ala: Ami mba mi gevengî nana ge?

Gade chapit la Kopi




Malatchi 3:7
38 Referans Kwoze  

Wani mi de zlad’a yam Israel-lâ hina ala: An nga ni mat abon burâ ki burâ mi suma bei ge yazi kä suma bei hum vunina.


Azi we nga d’ala Alona ni sama mi mbut suma d’ingêra d’a d’i. Azi nga hal á tin d’ingêr mazid’a yam taziya. Ni hina ba, azi ge nga yazi kä ad’u minda hAlo ma mbut suma d’ingêra d’i.


Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.


Kayam an mba ni kal ki sum ndazina kur ambas sa an hle vunan kat mabuyozi ngolo á hazizid’a, nambas sa ambira ki mbul ayuma a nga sor kä kuad’a. Azi mba te, a mba hoba, a mba d’ora. Bugola, azi mba mbut irazi ata alo ma dingâ á kud’uromu, a mba lan tchod’a, a mba but vun ma djin ma an djinim ki sed’ezina woi mi.


Agi Israel-lâ, agi hulongôgï gen Ma didina Alo magina, kayam agi pugugi kä yam tcho magid’a.


Mi min á te te ma a humî kozongîna, wani sa nga mi humzi d’i.


Agi suma bei hum vuna, agi hulongôgïya, an mba ni sud’ugi woi kur tcha tata magid’a. Israel-lâ a hulong dum ala: Ami nga imiza gevengû, kayam angî Ma didina Alo mamina.


Ni zla d’a hohoud’a kagi agi suma hat gata ki Fariziyê suma lop ira, kayam agi ni d’igi asu d’a a gulud’ut hapid’a na. Ti djifa abu á gola, wani krovo ni oîd’a kaso’â hi suma matnina kahle suma tchimba pet mi.


Ma didin ma ad’engêm kal petna, mi de mi suma ngat buzuna ala: Gorâ nga mi hu abumu, azongâ nga mi hu salama mi. Wani le an nabugiya ni, hu manda nara mi ge? Le an ni Salagina ni, ge yam mba kä avoronda nga ni lara? Agi nga lazan simiyênu, wani agi nga dagi ala: Ami nga lazang simiyêngî ki me ge?


An i ki sed’ezi yam ambas sa an hlabon akulo ni gun tan kat á hazizid’a. Ata yi máma azi we yima ndingâ kagu ma d’ufa. Ni kua ba, azi nga ngat ahle suma ngat buzu mazina, a nga he he d’a hawad’a kua á zalan ki hurunu, a nga ngal mbul ma his ma afufuîna, a nga he he d’a hawa d’a süm guguzlud’a mi.


Wani grozina a tchol huneîd’a ki sed’enu, a tit nga yam gat manda d’i, a ngom nga vun man ma hed’a d’oze a le nga sunda kam mbi. Nahle sumala mbeî sana le mi le sunda kaziya ba, mi kak karid’a na. A mbut bur man ma sabatna ndjendjed’a mi. An djib’er ala an mba ni zal hurun kazi gak ni dap vun ayî mana kazi hur fulâ.


Wani Israel-lâ a tchol huneîd’a ki sed’en hur fulâ. Azi tit nga yam gat manda d’i. Azi ar vun man ma hed’a woyo. Nahle sumala mbeî sana le mi le sunda kaziya ba, mi kak karid’a na. Azi mbut bur man ma sabatna ndjendjed’a ngola kala. An djib’er ala an mba ni zal hurun kazi gak ni dabazi woi hur fulâ.


Wani azi tchol huneîd’a ki sed’enu, a humun nga vunan ndi. Sa tu pî, mi ar nga ahle suma ndjendje suma mam le d’od’oka kazina woi d’i, a ar nga filei ma Ezipte-na woi d’uo mi. An djib’er ala an mba ni zal hurun kazi gak ni dap vun ayî mana kazi kur ambas sa Ezipte-d’a.


An nga ni mat abon burâ ki burâ mandjaf suma bei hum vuna, ni suma a nga tit hur lovot mazi d’a tchod’a yam djib’er mazid’ina.


Hina pet pî, a tchol a kak djangûna ki sed’engû, a mbut azigazi mi gat manga, a tchi mang suma djok vun suma a nga dazi teteu ala a hulongî gevengû na woyo, a he tazi á le sun nda ndjendje d’a kal teglesa avorongû.


Ma didina mi dala: Zla magi d’a agi dandjid’a ni d’a asa’ata. Agi dagi ala: Ami dami ni zla me d’a tchod’a kang nge?


Wani a humun nga d’i, a tin nga humazi á humba d’i, a le yam mba ad’enga, a le tchod’a kal abuyozi ngolo mi.


Adjeu d’a gata ti nga kan nduo d’a, an nga karid’a. Wani ata yima vun ma hed’a hi gatina mi mbana, tchod’a ti mbut arid’a,


Tin ad’ud’a kur bur ma abuyogi ngolo a buzugï woi kur ambas sa Ezipte-d’ina dei gak ini, burâ ki burâ an ar nga bei sunugi azungeî man suma djok vuna d’i.


Ata yi máma ang dazi ala: Ma didina mi dala: Abuyogi ngolo a aran ndeyo, a zlap kalo ma dingâ, a lum sunda, a grif kä avorom á kud’uromu. A aran an ndeyo, a ngom nga gat manda d’uo mi.


Agi tagid’a, agi lagi tchod’a kal abuyogi ngolo. Gola! Nge nge pî adigagi nga mi tit yam djib’er mam mba yam mba ad’eng nga kurum krovo d’a bei wad’ud’a bei humun vunan ba d’a.


Ma didina mi dan ala: Ang gor sana, an nga ni sunung gen Israel-lâ andjaf ma bei hum vuna ma kak djangûna ki sed’en d’igi abuyozi ngolo na na. Azi nga le tchod’a gak ini.


Swiv nou:

Piblisite


Piblisite