Malatchi 3:4 - Bible azumeina

⁴ Ata yi máma he d’a hawad’a hi suma Juda-nid’a ki d’a hi suma Jerusalem-mid’a mba d’i mbut djivid’a ir Ma didina d’igi kur bur ma avo’â na, d’igi kur biza d’a kal leid’a na mi.

Malatchi 3:4 Referans Kwoze

Zakari 8:3

Kayam ndata, an dala: An mba ni hulong kur Jerusalem, an mba ni kak kur Siyon kua. A mba yi Jerusalem ala Azì ma ngol ma d’engzengâ, a mba yi Siyon ala Yima nding mana, a mba yi yima ndingâ ala Yima a tinim iram vama mi.

Isai 56:7

an mba ni mbazi yam ahina man nda an tinit irat vata, a mba le furîd’a kur gong man nda tchenda mi. He mazi d’a hawa d’a ngala kahle mazi suma ngat buzuna a mba mbut nahle suma his suma afufuîna yam yi man ma ngal ahle suma ngat buzuna, kayam a mba yi gong manda ala Gong nga tchen nda yam suma peta.

Sawal la giled’a 51:19

Alo mana, vama ngat buzu ma ang minima ni mbut ta d’a hohou d’a avoronga; Alo mana, ang nga noî hur man ma b’laka ki ge yam man nda kä d’a woi d’i.

2 Sunda Hamuleinid’a 1:6

Ata yi máma Salomon mi djak akulo yam yima ngal ahle suma ngat buzu ma a minim ki kawei ma hleunina avok Ma didina, ni ma nga avun zlub’u d’a ngaf tad’ina, mi hahle suma ngat buzu suma ngala dubu.

1 Sunda Hamuleinid’a 21:26

David mi min yima ngal ahle suma ngat buzuna mi Ma didina kamu, mi hahle suma ngat buzu suma ngala kahle suma ngat buzu suma zlap darigïd’a, mi tchen Ma didina mi. Ma didina mi hulongôm humba ni kakud’a. Akud’a ti tcholï akulo yam yima ngal ahle suma ngat buzu suma ngala.

1 Sunda Hamuleinid’a 15:26

Ni ki ndjunda hAlonid’a ba, suma hi Levi-na a hleï zandu’â hi Ma didinina. A ngat amuzleina buzuna kid’iziya ki gamlâna kid’iziya mi.

Sawal la giled’a 51:17

Salad’a, ang malan vunan ndeyo, an mba ni suburungû.