Malatchi 3:16 - Bible azumeina

¹⁶ Wani suma a ring mandara Ma didinina, a de tazi zlad’a; Ma didina mi kak hina tchugot, mi huma. A b’ir mbaktum mba djib’era avorom yam suma a ringîm mandaram a suburum simiyêm mi na.

Malatchi 3:16 Referans Kwoze

Vama ndum mbeina 20:12

Bugola, an we suma mat suma nglona ki gugureina a nga tchola avok zlam mba amula. Mbaktumba teteng ti nga mala woyo; mbaktum mba dinga nga mala woi kua, ni mbaktum mba arid’a. A ka sariyad’a yam suma matna kahle suma a b’irizi kur mbaktum ndatina, ndak yam ahle suma azi lazina mi.

Sawal la giled’a 56:8

Kur tcho mazi ndata hina pet ni, azi mba prut tei abong zu? Alo mana, ang kuzuzi vunazi kayî mangâ.

Vama ndum mbeina 15:4

Salamina, ni nge ba, mba mi lang mandarang nguo ge? Ni nge ba, mba mi suburung nguo ge? Kayam ang tu ni Ma bei tchod’a ba na. Andjaf suma pet a mba mba, a mba grif kä avorong á kud’urongû, kayam sun mang nga d’ingêra, ti nde wa woi abua.

Hebre-na 10:24

Ei djib’erei yam tei á zud’i tei akulokulo á le od’a, á le sun nda djivid’a mi.

1 Tasaloni’â 5:11

Kayam ndata, ar agi gigid’egi tagiya, agi minigi tagi akulo d’igi agi nga lagi na.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Sunda hi suma a sunuzinid’a 9:31

Kayam ndata, suma toka hi Christ suma yam ambas sa Jude-d’a ki d’a Galile-d’a ki d’a Samari-d’a petna, tazi d’i tchuk simetna, a fad’enga, a nga i avogovok á le mandara Salad’a, Muzuk ma bei tchod’a ba na nga mi ndjunuzi mi.

Isai 26:3

Sama mi tchol ngingring yam djib’er mambina, ang Ma didina mba ngomom ki halasa kayam mi deng tam natangû.

Sunda hi suma a sunuzinid’a 10:2

Ni sama djivina, nga mi le mandara Alona ki suma avo hatama pet. Mi nga mi ndjun suma hou suma Juif-fâ ngola, nga mi tchen Alona teteu mi.

Ezekiyel 9:4

Mi dum ala: Ang i kur azì ma ngol ma Jerusalem-ma pet, ang b’ir vama taka avor suma a nga hat huruzi suma a nga tchi yam ndjendje d’a lara ge pet ta suma a nga lat kurumba.

Sawal la giled’a 34:15

mi wal lei ki tchod’a, mi le ni djivid’a; mi hal b’leng nga halasa, mi tit blogot mi.

Efes-sâ 5:19

Ar agi dagi zlad’a ata tagi ni ki sawal la giled’a ki sawala hAlonid’a ki sawala hi Muzuk mamid’a mi. Agi gagi sawala, ar agi gilegi Salad’a kurugi mi.

Sunda hi suma a sunuzinid’a 1:13

Kid’a azi kal avod’a, azi djak kur gong nga yam ndrata akulod’a, ata yima azi nga kaka kuana, nala, Pierre azi ki Jean, Jacques, Andre, Filip, Toma, Bartelemi, Matiye, Jacques Alfe goroma, Simon ma kak djangûna ki gata hi Romê-d’a avo’â ki Judas Jacques goroma mi.

Daniel 7:10

toliyon nda akud’a nga avoromu, nga d’i djang d’igi mbina na. Suma dubuna a nga gevem á lum sunda, suma bubupma a nga tchola avorom mi. Suma ka sariyad’a a nga kaka kä yam zlumiyô mazina, a mal mbaktumba woi teteng mi.

Wana ni Zla d’a Djivi d’a Luc mi b’irita 2:38

Ata yi máma, ti mba, ti le mersi mAlona. Ti de zlad’a hi gor mámid’a mi suma pet suma a nga djup pat ta Alona mba mi pat Jerusalem mbeid’a.

Ester 6:1

Kur andjege ndata amulâ mi bur nga sen ndi, mi dazi ala a hlumï mbaktum mba de zlad’a yam sunda hamuleinid’a, a ndumut tei avoromu.

Sunda hi suma a sunuzinid’a 2:1

Kid’a bur ma Pantekot-na ndaka, azi pet a nga toka ata yima tuna.

Isai 65:6

Gola! Ahle ndazina a nga b’ira kä avoronu. An mba ni kak mudjuk ki. An mba ni min zla mazid’a, an mba ni wuragazi ndak yam sun mazid’a memet.

Isai 50:10

Ni nge adigagi ba, mi le mandar Ma didina, mi hum del azong mama ge? Sama lara ma nga mi tit kur nduvunda ma mi kid’ak b’od’ina, ar mi tin hurum yam simiyê Ma didina, ar mi deng tam ata Alo mama mi.

Isai 26:8

Gagazi, Ma didina, ami tinimi hurumi ni kayam angû. Lovot mang nga ang tagata ni d’a d’ingêra. Ami nga yangû, ami nga tchenengû. Wana ni djib’er ra kurumi d’a ami minita.

Zla d’a d’ogolâ 13:20

Sama tit ki suma ned’ina mba mi mbut ni sama ned’a, wani sama mi te ki suma lilid’ina mba mi nde kur tchod’a.

Sawal la giled’a 147:11

Ma didina tam nga d’i lum djivid’a ni yam suma a nga lum mandarama, ni yam suma a tin huruzi yam o mam mba didindina mi.

Sawal la giled’a 139:4

Ata yima zlad’a nde nga avunan nduo tua na, Ma didina, ang wat wa pet da’.

Sawal la giled’a 119:63

An zlap tu ki suma a nga lang mandarang suma a nga ngom gat mangina.

Sawal la giled’a 111:10

Le mandara Ma didina nad’u tinda hi ned’id’a. Suma pet suma a nga le hina na ni suma a nga ki djib’er ra djivid’ina. Ar suma a gilem gak didin!

Sawal la giled’a 94:19

Ata yima an nga ki djib’er ra tetengina, ang nga b’lengên hurunu, ang nga han furîd’a mi.

Sawal la giled’a 66:16

Agi suma pet suma lagi mandara Alonina, agi mbeyegiya, agi humugiya; an mba ni dagi yam ahle suma mi lazi kana.

Sawal la giled’a 33:18

Wani Ma didina iram nga tinda yam suma a lum mandarama, yam suma tin huruzi yam o mam mba didinda

Sawal la giled’a 20:7

Ki tchetchemba, an we Ma didina nga mi sut ma mam manam tinim amulina, nga mi humumï kur gong mam mba sä akulod’a, nga mi ndjunum kabom ma ndjuf ma sib’ika mi.

Sawal la giled’a 16:3

Suma d’ingêr suma yam andagad’ina, ki suma d’engzeng suma kal teglesâ ni suma tan lan djivid’a heî kazina.

Sawal la giled’a 10:4

Wana ni djib’era hi sama asa’atnid’a ki yam mba ad’eng mamba nga mi dala: Alona mba mi van ki zlad’a d’i! Kur djib’er mamba pet mi dala: Alona mi nga d’i!

Wana ni mbaktumba hi Job-pa 28:28

Bugola, mi de mi sana ala: Gagazi, le mandara Ma didina ni ned’a, wal tang ngei dei ki tchod’a ni wad’ud’a mi.

Ester 2:23

A nde djop ad’u zla ndata, a fat ni hina dedege, a tchuk ziyona kel suma ngom vun azì suma mbà ndazina akulo ata aguna, a b’ir zla ndata kur mbaktum mba de zlad’a yam sunda hamuleinid’a kä avok amulâ.

2 Sunda Hamuleinid’a 6:7

Abun David mi nga hurum á min gonga mi Ma didina Alona hi Israel-lîna irat vad’u.

1 Amuleina 18:12

Wani ata yima an wal ki sed’engâ, Muzu’â hi Ma didinina mba mi hlang ing ata yima an wum mbuo na. An mba ni de mi Ahap, mam mba mi fang nguo, mam mba mi tchanu. Wani an azong mangâ ni sama kud’or Ma didina kazongôn deina.

2 Samuel 7:1

Ma didina mi pat amulâ David tei abo mam suma djangû suma a nguyuma, mi hum tuk tad’a. David mi nga kaka kur aziyam ma amula.

Hebre-na 12:15

Agi gologi tagi djiviya, sa mi kid’ak kei ata sumad’a hAlonid’a d’i. Ar sa mi tchol adigagi d’igi agu ma aglarâ na á djok suma ablaud’a ki tcho mamba d’i.

Hebre-na 3:13

Wani agi gigid’egi tagi teteu d’igi mbaktumba hAlonid’a ti de na ala: Ini ar sa adigagi tchod’a lobom á b’al hurum mbi.

1 Tasaloni’â 5:14

B’oziyomina, ami nga gigid’egiya, ar agi ngobogi suma azulomba, agi b’lengêgi hur suma mandarâ, agi ndjunugi suma amangeîna, agi vagi tagi yam suma pet mi.

Sawal la giled’a 104:33

Ma didina, kur kak manda yam andagad’id’a pet, an min gileng ki sawala; Alo mana, ata yima an nga ki iran tua na, an mba ni gilengû.

1 Amuleina 18:3

Ahap mi yi Obadiya ma ngol ma yam azì ma amulina. Obadiya ni sama d’engzeng ma kud’or Ma didinina.

Ad’u Tinda 22:12

Malaikana mi hulong dum kua ala: Ang tin abong ata gorongâ d’i, ang lum va d’uo mi. Ki tchetchemba, an wala ang nga le mandara Alona, kayam ang d’elen nga gorong ma tu gid’engâ bei hed’a d’i.

Buzuk ka Abud’a 32:32

Ki tchetchemba, an nga ni tchenengû, ang vat hurung ngei yam tcho mazid’a. Le d’uo ni, ang tchan simiyên ma ang b’irim kä kur mbaktum mangina woyo.

Isai 4:3

Ata yi máma suma a mba ar kur Siyon-na ki suma a mba ar avo Jerusalem-ma a mba yazi ala Suma a tinizi irazi vazi mi Ma didinina. Ni suma a mba b’irizi simiyêzi á kaka avo Jerusalem-ma.

Jeremi 8:6

An tin human nga ni huma, wani a nga de zla d’a ndak á ded’a d’uo d’a. Sama adigazi ma mi mbut hurum yam asa’at mamba ma mi dala: An le ni me na ge na nga d’i. Azi pet nge nge pî mi b’at tam á i yi máma d’igi akulum ma mi b’at tam á i dur ayînina na.

Jeremi 31:18

An hum tchina hi suma Efraim-ma. Gagazi, a nga tchi ala: Ma didina, ang gad’ami ki gat ta ad’enga d’igi a gat amuhl ma azong ma bei hatina na. Wani ang vami atang tala ami hulongômi geveng gagazi d’a, kayam angî Ma didina Alo mamina.

Daniel 12:1

Malaika máma mi dan kua ala: Kur atchogoi ndata Michel ma ngolâ hi malaika ma ngom sum mangîna mba mi tchola. Atchogoi ndata natchogoi d’a ndaka. Kid’a andjaf suma a nga yam andagad’a deid’a gak kur atchogoi ndata, ndak ka hina d’a ti le nga yat tu d’i. Kur atchogoi ndata mang suma a b’irizi simiyêzi kur mbaktumba hAlonid’ina a mba fe suta.

Nehemi 1:11

Salad’a, ang tin humang hum tchen nda an azong mangâ nga ni tchenenga ki tchenda hazungeî mang suma a nga lang mandarangâ, ang wan hohowon an azong mangâ avok amul máma ini. Kur biza ndata an ni ma ni he süma mamulîna.

Sawal la giled’a 56:9

Ang we tcha man nda tata d’a, ang ve simi mana kur gugura. Ang b’irim nga kä kur mbaktum manga d’uo zu?

Sawal la giled’a 115:13

mba mi b’e vunam yam suma a ringîm mandaram suma gureina ki suma nglona mi.