Malatchi 2:10 - Bible azumeina

¹⁰ Na ni ei pet abui ni tu d’uo zu? NAlo ma tu máma ba, mi lei d’uo zu? Ni yam me ba, ei nga mbud’i ir tei á b’lak vun ma djin ma Alona djinim kabuyoina ge?

Malatchi 2:10 Referans Kwoze

Sawal la giled’a 100:3

Ar agi wagi ala Ma didina nAlona. Mi lei ni mamu, ei ni sum mama, ei nades tumiyô mam suma mi poleina.

Malatchi 2:11

Suma Juda-na a mbut suma mbut ira, a mbut ambas sa Israel-la kazì ma Jerusalem-ma ndjendjed’a, kayam a mbut vama a tinim iram vam mi Ma didinina ndjendjed’a, nala, gong nga hurum vata, kayam a vik arop suma a nga kud’or alona handjaf suma dingîna.

1 Korente-na 8:6

wani yam eya, Alona ni tu, nAbuya, ni Ma ahlena pet a tcholï atama; ei ni sum mama mi. Ei wei ala Salad’a ni tu mi, ni Jesus Christ, ni Ma ahlena pet a nga kama; ei nga karid’a ni yam mam mi.

Efes-sâ 4:6

Alona ni tu, nAbu suma pet, ni Ma nga mi te yam suma petna, ni Ma nga adigazi petna, ni Ma nga kuruzi petna mi.

Isai 63:16

Kayam angî Abumiya. Abraham mi wami nga d’i, Israel ko mi wami nga d’ala ami ni na d’a d’uo mi. Ni ang Ma didina tu ba, nAbumiya, ni ang ma yang kad’u tinda dedei ala Mami ma sutä na.

Isai 64:8

Ma didina, ar hurung zal kal lei kang ngi, ar ang djib’er yam tcho mamid’a teteu d’uo mi. Ar ang wami ala ami pet ni sum mangâ.

Sunda hi suma a sunuzinid’a 7:26

Tcha ndjivinda mi i geveziya, mi fe Israel-lâ mbà a nga to taziya. Mi min á zlabazi adigaziya, mi gad’azi ala: Agi ni b’oziyo tagiya. Ni nana ba, agi lagi tagi sulu’â hina ge?

Matiye 3:9

Ar agi djib’eregi kurugi ala Abraham nabui ngolo hina d’i, kayam an nga ni dagi woi mbak Alona mi ndak á mbut ahuniyô suma wana grona mi Abraham.

Jean 8:41

Agi nga lagi ni sunda habugid’a. Kayam ndata, azi dum ala: Vud’umi nga kur mizeuna d’i, Abumi ni tu, nAlona.

Matiye 22:16

A sun mazi suma hata azi ki suma hi Herot-na atamu. A djobom ala: Ma hat suma, ami wami ala angî ma gagazina, ang nga hat suma yam lovota hAlonid’a kur gagazid’a. Ang nga le mandara sa d’i, kayam ang nga ka ir sa d’i.

Matiye 10:21

Suma a mba he b’oziyozina woi á tchid’a, abuyod’a a mba he grozina woi á tchid’a mi, grod’a a mba kak djangûna ki simiyêziya, a mba hazi woi á tchid’a mi.

Malatchi 2:8

Ma didin ma ad’engêm kal petna mi dala: Wani agi d’ezegi woi kur lovota, agi mbud’ugi hat magid’a ni vama dap asema mi suma ablaud’a, agi b’lagagi vun ma djin ma an djinim ki suma hi Levi-nina.

Malatchi 1:6

Ma didin ma ad’engêm kal petna, mi de mi suma ngat buzuna ala: Gorâ nga mi hu abumu, azongâ nga mi hu salama mi. Wani le an nabugiya ni, hu manda nara mi ge? Le an ni Salagina ni, ge yam mba kä avoronda nga ni lara? Agi nga lazan simiyênu, wani agi nga dagi ala: Ami nga lazang simiyêngî ki me ge?

Ezekiyel 33:24

Ang gor sana, gola! Suma a ar kaka kur andaga d’a Israel la b’lak keid’a a nga dala: Abraham ni vam tu. Mi hlambasa djona. Ei suma ablau suma wana d’o d’a, a mba hei ambasa djona d’uo zu?

Isai 51:2

Agi gologi abugi ngolo Abraham azi ki Sara d’a vud’ugid’a. Ata yima mam mi vam tuna, an yumu, an b’e vunan kamu, an zulum andjavam mi.

Isai 44:2

Ma didin ma mi lagi ma mi minigi kur asuyogi dei ma nga mi ndjunugina, mi dala: Agi suma hazong mana Jakob-ma, agi Israel suma an managina, agi lagi mandar ri.

Isai 43:15

An ni Ma didina magi ma bei tchod’a ba ma le Israel-lîna, an namul magina.

Isai 43:7

Agi mbeyegï ki suma pet suma a nga yan simiyêna, suma pet suma an lazina, suma an tchuguzina, suma an minizi á tagan subur manda woina mi.

Isai 43:1

Agi Israel suma hi Jakob-ma, ki tchetchemba, Ma didin ma lagi mi gagina nga mi dagi ala: Agi lagi mandar ri, kayam an wurak kagiya, an yagi ki simiyêgiya, agi ni sum mana mi.

Wana ni mbaktumba hi Job-pa 31:15

Ni mam ma minin kur asuna ba, mi minizi azi mi d’uo zu? NAlona tu ba, mi tchugi kur azì grona hasuyoina mi d’uo zu?

Nehemi 13:29

An tchen Alona kua ala: Alo mana, ang djib’er kaziya, kayam azi mbut sun nda ngat buzuna ki vun ma djin ma suma ngat buzuna ki suma hi Levi-na a djinim ki sed’engâ ndjendjed’a.

Josue 24:3

An hleï abugi ngolo Abraham abo alum ma Efrat-na abo hî, an nguyum tita kur ambas sa Kanan-nda pet, an zulum andjavamu, an hum Isak.

Buzuk ka Abud’a 19:5

Ki tchetchemba, le agi humun vunanu, agi ngomogi vun man ma djinda ni, aduk suma yam andagad’ina pet agi mba mbud’ugi ni sum mana, kayam andagad’a pet ni manda.

Hebre-na 12:9

Ei djib’erei yam abuyoi suma kur duniyad’a ka hina: Azi nga gad’eya, ei nga gei yei kä avorozi mi. Ei ndak á gei yei kä avok Abui ma sä kur akulod’ina á kagei karid’a kal luo zu?

1 Tasaloni’â 4:6

ar sa mi tchila yam gata á le ir wiyem ma kur Christ-sâ kur ahle ndazina d’i. Ami dagi woi mbak, ami gagi humagi mi, suma a le tcho d’a hina d’ina, Salad’a mba mi kazi sariyad’a kaziya.

Efes-sâ 4:25

Kayam ndata, agi aragi zla d’a kad’a woyo, wani ar sama lara pî mi de ni zla d’a gagazid’a mi ndrama, kayam ei ni hliu ma tuna.

Romê-na 9:10

Wani zla ndata nga ni yam Sara hol li, kayam Rebeka ti ve wirâ ki sana tu, nabui ngolo Isak.

Romê-na 4:1

Ei mba dei yam abui ngolo Abraham ma kur hliunina ala mi fe ni me ge?

Sunda hi suma a sunuzinid’a 17:25

Nga mi min suma á ndjunum mbi, kayam nga mi kid’ak va d’i, kayam mam mi ma he arid’a mi sumina, mi hazi muzuka kahlena pet mi.

Sunda hi suma a sunuzinid’a 7:2

Etienne mi hulong mi dala: B’oziyona kabuyonu, agi humugiya. Alo ma subura mi nde tam ir abui ngolo Abraham kid’a mi nga Mesopotami avok ka mam bei i kak kur Haran tua d’a.

Jean 8:56

Abugi Abraham mi le furîd’a á we bur ma mba mana. Mi wum mi, mi le hur ma hapma.

Jean 8:53

Ang kal abumi Abraham ma mitna ki ngola zu? Suma djok vun Alona a bo woi mi. Ang mbut tang ala angî nge ge?

Jean 8:39

Azi hulong dum ala: Abumi ni Abraham. Jesus mi dazi ala: Ladjï agi ni Abraham groma ni, agi lagi ni sunda hi Abraham-mba.

Wana ni Zla d’a Djivi d’a Luc mi b’irita 3:8

Agi lagi sun nda memeta á tak kei ala agi mbud’ugi wa hurugiya d’a. Ar agi dagi kurugi ala: Abraham nabumi ngolo na d’i, kayam an nga ni dagi woi mbak ala Alona mi ndak á mbut ahuniyô suma wana grona mi Abraham.

Wana ni Zla d’a Djivi d’a Luc mi b’irita 1:73

Alona mi gun tam mabui ngolo Abraham

Sunda hi suma a sunuzinid’a 17:24

Alo ma le duniyad’a kahle suma kurutna petna, mam mi Sala akulod’a kandagad’a. Mam nga mi kak kur gongîyo suma tok suma suma a minizi kabozina d’i.

Sunda hi suma a sunuzinid’a 17:26

Nata sama tuna ba, mi le andjaf suma pet suma a nga kaka yam andagad’ina. Mi ngazi atchogoi mazid’a ki ir haga mazi d’a kaka,

Buzuk ka Abud’a 19:4

Ma didina mi dala: Agi tagi wagi vama an lum ki Ezipte-na, an yogï geven d’igi agigilauna mi yo groma gigingâm na.

Buzuk ka Abud’a 24:3

Moise mi mba, mi de zla d’a Ma didina mi dumzid’a ki vun ma he ma mi humzina pet mi Israel-lâ. Israel-lâ ki zla tazi pet a hulongôm zla d’a ded’a ki vun ma tuna ala: Ami mba lami ahlena pet suma Ma didina mi dami kazina.

Buzuk ka Abud’a 24:7

Mi hle mbaktum mba a djin vunazi kua ki Ma didinid’a, mi ndumut avok Israel-lâ. Azi de woi ala: Ami mba lami ahlena pet suma Ma didina mi damizina, ami mba humum vunam mi.

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Isai 64:7

Wani Ma didina, angî Abumiya. Ami ni lubu ma ab’lorina, angî ma minimina, ami pet ni sun nda ang lat kabonga.