Biblia Todo Logo
Bib sou entènèt

- Piblisite -




Malatchi 1:5 - Bible azumeina

5 Iragi mba d’i waziya, agi tagi mba dagi ala: Ma didina ni ma zlam nde yina yam andaga d’a Israel-la gak kal lei yam haga matina.

Gade chapit la Kopi




Malatchi 1:5
14 Referans Kwoze  

Ni agi tagid’a ba, wagi sun nda nglo d’a pet ta Ma didina mi lata ki iragiya.


Ang mba mba ata man suma Israel-lâ d’igi d’ugul la ti duk yam andagad’id’a na. Bizad’a mba d’i kal ablaud’a, ahle ndazina a mba ndaga. Ang Gok, an mba ni mba ki sed’eng á dur ayîna kambas manda kayambala andjaf suma dingâ a wala an nAlo ma bei tchod’a ba na d’a. Wana ni vama an mba ni lum ki sed’eng kä irazina.


Kayam ndata, Ma didina hurum zal yam suma Juda-na ki suma Jerusalem-ma. Mi mbud’uzi vama mandarâ, vama hohoud’a ki vama sanda d’igi agi wagizi ki iragi ini na.


Ki tchetchemba, agi tchologi ka hî hina djang á we vama atchap ma ngol ma Ma didina nga mi lagizi iragi kä wana.


Ni mam ba, mba mi mba ki b’leng nga halasa. Ata yima suma Asiri-na a mba mba kur ambas meid’a, a mba kal kur azì mei ma ad’eng ma ngungunina, ei mba tcholei ki suma nglo suma avok sumina ablaud’a á duruziya.


Hina wani, an mba ni tak tan ndei mandjaf suma pet ala an nAlo ma ngol ma bei tchod’a ba na. Ata yi máma azi mba wala an ni Ma didina.


Abuyogi ngolo a tchi kan an Ma didina. Ata yi máma an Ma didina ni mbut yina nduvunda adigagi ki Ezipte-na. An kuzî aluma yam Ezipte-na kä, mi hlubuzi kä woyo; agi wagi ahle suma an lazi ki Ezipte-na ki iragiya, agi kagagi abagei hur fulâ burâ ablaud’a mi.


Agi tagi wagi ahle suma Ma didina mi lazi yam zlad’a halo ma a yum ala Bäl-Peyor-rîd’a. Ma didina Alo magina mi dap suma adigagi suma a kud’or alo ma a yum ala Bäl-Peyor-râ na woyo.


Bugol bur máma, suma a nga kaka kur azì ma ngol ma Israel-lîna a mba buzuk kei abua, a mba ngal ahle suma sïna woyo. Azi mba yo mboriyo suma nglona ki suma gureina, ir yeûd’a kaguwad’u, mbuguyona kasubiyona, a mba tchuguzi akua. Akud’a mba d’i ngalazi gak bizad’a kid’iziya.


Swiv nou:

Piblisite


Piblisite