Wana ni Zla d’a Djivi d’a Luc mi b’irita 8:14 - Bible azumeina

¹⁴ Andjaf ma mi nde aduk aweid’ina ni suma a hum zlad’a wani ata yima azi ina, djib’era hi duniyad’id’a ki beged’a ki d’od’oka hi duniyad’id’a a hebezi ped’et, a le nga irâ tetet ti.

Wana ni Zla d’a Djivi d’a Luc mi b’irita 8:14 Referans Kwoze

1 Timote 6:17

Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.

Marik 4:19

wani djib’era hi duniyad’id’a ki d’od’oka hi beged’id’a ki lelemba hahle suma dingîd’a a kal kuruziya, a hep zlad’a akulo ped’et bei le irâ.

Matiye 13:22

Ma mi nde aduk aweid’ina ni sama hum zlad’a, wani djib’era hi duniyad’id’a ki d’od’oka hi beged’id’a a hep zla d’a a yagat kurumba akulo ped’et bei le irâ.

Wana ni Zla d’a Djivi d’a Luc mi b’irita 21:34

Jesus mi had’azi kua ala: Wani agi gologi tagi djiviya, ar agi tinigi hurugi yam ahle suma tena d’oze yam ahle suma tched’a ki djib’era hi duniyad’id’a tala bur máma mi mba kagi d’igi dauna na d’a d’i.

Wana ni Zla d’a Djivi d’a Luc mi b’irita 8:7

Ma dingâ mi nde aduk aweid’a, ti d’uf akulo ki mamu, ti hebem ped’et.

2 Timote 4:10

Demas mi aran wa, kayam hurum ve duniya d’a wanda heî, mi i wa Tasalonik. Kresen mi i wa Galat, Tit mi i wa Dalmati mi.

Jean 15:6

Le sama nga kaka zlapa tu ki sed’en nduo ni, Abun mba mi gum mbei d’igi a gabo guguzlud’a woi na, mba mi so woi mi. Bugola, a togomu, a tchugum aduk akud’a, a ngalam mbeyo.

Wana ni Zla d’a Djivi d’a Luc mi b’irita 16:13

Azong ma tuna mi ndak á le sunda mi suliyod’a mbà d’i, wani mba mi noî ma tuna, mba mi le yam ma dingâ mi, d’oze mba mi kak ki ma tuna, mba mi ar ma dingâ woi mi. Agi ndagagi nga á lagi sunda mAlona ki beged’a djak ki.

Wana ni Zla d’a Djivi d’a Luc mi b’irita 8:13

Andjaf ma mi nde ata yima alakina ni suma a hum zlad’a, azi vat ki furîd’a, wani sidiyezi mi i nga kä ngol luo na. Azi he gagazid’a, a le burâ tcha. Ata yima kuka mbana, azi ar zlad’a hAlonid’a woyo.

Wana ni Zla d’a Djivi d’a Luc mi b’irita 8:15

Wani andjaf ma mi nde kur andaga d’a djivid’ina ni suma a hum zlad’a, a vat ki hur ma djivinina, a kak suma d’engzengâ, a vut mi.

Hebre-na 6:1

Kayam ndata, ei arei hat ta adjeu d’a yam Christ-sa woi blogeya, ei i avogovok kur hat mamba, ei mbud’i suma ndak memetna mi. Ei dok tini ad’ud’a yei á mbàd’a yam mbut hurâ yam sun nda hawa yaka ki he gagazi d’a yam Alonid’a,